• 12 сарын 23, Даваа
|
Уншиж байна ...
Зураг
Зураг
ХУУЧИРСАН МЭДЭЭ: 2020/04/14-НД НИЙТЛЭГДСЭН

С.Амарсайхан: Ариутгал халдваргүйжүүлэлтэд 400 гаруй сая төгрөгийн зардал гарсан

Б.Билгүүн, iKon.mn
2020 оны 4 сарын 14
iKon.MN
Зураг зураг
mpa.mn

Хотын дарга С.Амарсайхан мэдээлэл хийлээ.

https://www.facebook.com/iKonNews/videos/240466840436680/

Тэрбээр:

6,790 албан хаагч олон нийтийн эзэмшлийн зам талбайд үндсэн ажлынхаа зэрэгцээ эргүүл хяналт хийж, зөвлөмж зөвлөгөө өгч байгаа. 

Гуравдугаар сарын 31-ний НИТХ-ын Тэргүүлэгчдийн хуралдаанаар хэсгийн ахлагч нарыг олон нийтийн цагдаагийн үүрэгтэйгээр ажиллуулах шийдвэр гарсан. Өнөөдөр журам батлагдсан. 

Олон нийтийн 224 цагдаа ажиллаж, гэмт хэргээс урьдчилан сэргийлэх, хуулийн байгууллагад мэдээлэл өгөх ажил хийдэг байсан бол нийслэлийн 173 хорооны 1,625 хэсгийн ахлагчаар энэ багийг нэмэгдүүлснээр нийт 1,700 олон нийтийн цагдаа хууль дүрэм сахиулж ажиллах нь.

Өнөөдрийн байдлаар 1,525 хэсгийн ахлагч сургалтад хамрагдсан. Дөрөвдүгээр сарын 15-наас эхлээд хороодын хэсгийн ахлагч нар олон нийтийн цагдаагийн эрхийг давхар гүйцэтгэнэ. 

Хоёрдугаарт, ариутгал халдваргүйжүүлэлтийн ажлыг нийслэлийн хэмжээнд хийж байна. Өнөөдрийг хүртэл 8,645 км газарт автомашинаар, 958,700 ам метр буюу 1 сая орчим метр квадрат талбайд гараар ариутгал хийж байна. Үүнд 114,000 ААН, иргэн хамрагдсан. Цаашид энэ ажил үргэлжилнэ. Ил задгай 170 орчим мянган жорлонд ариутгал хийх ажлыг Сүхбаатарт, Баянзүрх, Налайх дүүргээс эхлүүлээд явж байна. 

Гудамж талбайд дуут дохио, чанга яригчаар иргэдэд мэдээлэл, анхааруулга өгнө. 

Дугаарын хязгаарлалттай холбоотойгоор УОК-ын Шуурхай штабаас аймаг, орон нутгийн Засаг дарга нарт санал ирүүлсэн. Улаанбаатар хотын хувьд бид аль болох цөөн тоогоор зорчих, төвлөрлийг сааруулж ажиллаж байгаа тул одоогоор хязгаарлах шаардлагагүй гэж үзэж байна. Онцгой нөхцөлд хязгаарлана.

Ариутгал халдваргүйжүүлэлтэд одоогийн байдлаар 400 гаруй сая төгрөгийн зардал гарсан" гэлээ. 

Орон нутгийн зорчих хөдөлгөөний талаарх асуудал УОК-ын өнөөдрийн хуралдаанаар яригдаагүй байна.