2019/03/22
Америк доллар
МОНГОЛ БАНК:
2,631.25₮
B30
УЛААНБААТАР
-1°
|
-12°
B30
УЛААНБААТАР
|
-11°
B30
УЛААНБААТАР
|
-8°
01:00
S29
-10°
02:00
S29
-9°
03:00
S29
-8°
04:00
S29
-8°
05:00
S29
-8°
06:00
S29
-8°
07:00
S30
-9°
08:00
S30
-9°
09:00
S30
-8°
10:00
S30
-7°
11:00
S30
-6°
12:00
S30
-5°
Энэ мэдээ хуучирсан буюу 2018/12/20 -нд нийтлэгдсэн мэдээ болно.

Дэлхийн хамгийн том агаар цэвэршүүлэгч Хятад улсад ажиллаж байна

О.Булган, iKon.mn
2018 оны 12 сарын 20
iKon.MN

БНХАУ-ын Шаньси муж дахь Шиань хотноо 100 метр өндөр, дэлхийн хамгийн том агаар цэвэршүүлэгч цамхаг байрладаг ба тус цэвэршүүлэгч нь бодит үр дүнгээ өгч эхэлсэн талаар гадны эх сурвалжууд мэдээлэв.

Тус агаар цэвэршүүлэгчийг Хятад улсын Байгаль орчны шинжлэх ухааны Академийн судлаачид 2013 оноос бүтээж эхэлсэн ба энэ оны эхэнд ийнхүү тус хотод туршилтын хугацаагаар суурилуулаад байгаа юм.

Судалгааны багийн удирдагч Цао Жунжи "Цамхгийг байрлуулснаас хойших хэдхэн сарын хугацаанд цамхгийн ойролцоох арван километр зайд агаарын бохирдол тодорхой хэмжээгээр татарч, дээрдсэн дүр зураг ажиглагдаад байна.

Тус цамхаг нь өдөрт арван сая куб метр цэвэр агаарыг үйлдвэрлэн гадагшлуулах хүчин чадалтай. Мөн агаарын бохирдол нэн өндөр өдрүүдэд хорт утааг тодорхой хэмжээгээр багасгаж, танах үйл ажиллагаатай юм" гэжээ.

 

Энэхүү аварга агаар шүүгчийн ажиллагааны горимоос дурдвал цамхгийн систем нь тэр чигээрээ хүлэмжийн хийн тусламжтайгаар ажилладаг байна.

  1. Мөн хөлбөмбөгийн талбайн хагастай тэнцэх том талбайд цамхгийн суурийг байрлуулжээ.
  2. Бохирдсон агаар цамхаг руу нэвтэрснээр цамхагт орших шилэн хүлэмжийн дунд агаар гацаж нарны эрчим хүчээс ялгарч буй дулаанд шарагддаг аж. 
  3. Ингэснээр халуун агаар цамхагт бий болж олон давхар шүүлтүүрээр нэвтэрсний дараагаар агаар цэвэршиж гадагшилдаг байна.

Хятадын Шиань хот өвлийн улиралд Улаанбаатар хоттой адил түүхий нүүрсний улмаас үүсэж буй агаарын бохирдолтой нүүр тулгардаг байна.

Судлаачдын баг одоог хүртэл энэхүү цамхгийг туршилтын хугацаанд ажиллуулж байгаа бөгөөд ирэх гуравдугаар сар гэхэд цамхгийн үзүүлж буй нөлөөллийг нарийвчлан гаргасан дэлгэрэнгүй тайланг зарлахаар ажиллаж байгаа аж.

Гэвч байгаль орчин хамгааллын "Greenpeace" олон улсын байгууллага БНХАУ-ын Засгийн газар зөвхөн томоохон хотууд дахь агаарын бохирдолд илүүтэй анхаарал хандуулж, бусад нутгуудад мөн тулгарч буй асуудалд хангалттай анхаарал хандуулж ажиллахгүй байна хэмээн шүүмжлээд байгаа юм.

Ийм төрлийн агаар шүүгч цамхгийг Хятад улс урьд өмнө туршиж байсан удаатай. Тодруулбал, тус улсын нийслэл Бээжин хотноо хэдэн жилийн өмнө Герман уран бүтээлчийн загвараар босгосон агаар цэвэршүүлэгч цамхгийг суурилуулаад байсан.

Үүнтэй харьцуулбал энэхүү шинэ цамхаг нь хэдий 100 метр өндөр ч гэлээ эрчим хүч тун бага зарцуулдаг бөгөөд илүү өндөр хүчин чадалтай ажилладгаараа онцлог юм байна.

 

 

 

Эх сурвалж: South China Morning Post

x