"Найрамдлын зам дагуу борооны ус зайлуулах шугам угсрахдаа нөхөн сэргээлтийг тухай бүрд нь хийж байгаа"
Сонгинохайрхан дүүргийн 5 дугаар хороо, Найрамдал зуслангийн авто зам дагуу борооны ус зайлуулах шугам угсралтын ажил үргэлжилж буйг Геодези, Усны барилга Байгууламжийн Газраас мэдээллээ.
Тэдний мэдээлснээр тухайн хэсгийн зам дагуух борооны ус зайлуулах шугамыг үе шаттайгаар угсарч, шинээр угсарсан шугамын араас зам, талбайн нөхөн сэргээлтийн ажлыг тухай бүрд нь гүйцэтгэж байгаа аж.
Тодруулбал нөхөн сэргээлтийн ажлыг гүйцэтгэхдээ стандарт, технологийн шаардлагад нийцүүлэн ухсан хэсгийг буцаан дүүргэх, тэгшлэх, замын зорчих хэсгийн хэвийн болгож байгааг хэллээ.
Найрамдлын авто зам дагуу нийт 3,000 метр урт ус зайлуулах шугам угсрах юм байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
