АШУҮИС-ийн харьяа ахлах сургууль уламжлалт анагаах ухааны ангитай болно
Боловсролын яамны Төрийн нарийн бичгийн дарга Т.Ням-Очир АШУҮИС-ийн Ерөнхий боловсролын ахлах сургуулийн уламжлалт анагаах ухааны туршилтын анги нээх бэлтгэл ажлын явцтай танилцлаа.
Монголын уламжлалт анагаах ухааныг хөгжүүлэх талаар 2026-2030 онд хэрэгжүүлэх арга хэмжээний төлөвлөгөөнд Уламжлалт анагаах ухааны сургалттай Ерөнхий боловсролын сургууль байгуулахаар тусгасан.
Энэ хүрээнд Боловсролын сайдын 2026 оны А/102 дугаар тушаалаар Монголын уламжлалт анагаах ухааныг хөгжүүлэх талаар тус төлөвлөгөөг хэрэгжүүлэх ажлыг зохион байгуулах, хяналт-шинжилгээ, үнэлгээний бүтэц, тогтолцоог бий болгох, эрх зүйн орчин бүрдүүлэх ажлын хэсгийг байгуулсан.
2026-2027 оны шинэ хичээлийн жилээс уламжлалт анагаах ухааны хөтөлбөрөөр сургалт эхлүүлэх тухай Боловсролын сайдын тушаал гарч, АШУҮИС-ийн зүүн хотхоны оюутны 3 дугаар байрыг 40 сурагчийн дотуур байртай, хичээлийн 6 танхимтай болгож тохижуулахаар төлөвлөжээ.
Эх сурвалж: Боловсролын Яам
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
