COP17-д үйлчилж байгаа автобусанд эд зүйлээ мартсан бол 7007-4040 дугаарт хандаарай
COP17-д оролцож буй зочид төлөөлөгчид автобусандаа эд зүйлээ орхиж буух тохиолдол гарч байгаа талаар Нийтийн тээврийн бодлогын газраас мэдээллээ.
Тодруулбал COP17-д үйлчилж байгаа нийтийн тээврийн автобусанд эд зүйлээ орхисон, мартсан бол COP17 бага хурлын зохион байгуулах комисст хандан, 7007-4040 дугаарт мэдээлэл өгснөөр эд зүйлээ олох боломжтой аж.
COP17-д үйлчилж байгаа нийтийн тээврийн автобус нь бүрэн камерын системд холбогдсон бөгөөд эд зүйлс алга болох эрсдэлгүй гэдгийг анхаарууллаа.
COP17 хурлын үеэр дараах чиглэлд автобус үнэгүй үйлчилж байгаа юм.
- Офицеруудын ордон-Нарантуул-Дүнжингарав худалдааны төв
- Дүнжингарав худалдааны төв-Нарантуул зах чиглэлд богино эргэлтийн автобус иргэдэд үнэ төлбөргүй үйлчилнэ.
- БЭ:10 Дүнжингарав худалдааны төв-COP17 хурлын байршил
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
