Хүй долоон худагт хоол, худалдаа, үйлчилгээ эрхлэх бүртгэлийн хугацааг сунгажээ

Гэрэл зургийг MPA агентлагийн онцгой зөвшөөрөлтэйгөөр ашиглав

Улаанбаатар хотын иргэдийн өдөр “Хүрээ цам-Даншиг наадам 2026” зургаадугаар сарын 27-28-ны өдрүүдэд Хүй долоон худагт болно. Наадмын үеэр худалдаа, үйлчилгээ эрхлэх иргэн, хуулийн этгээдийн бүртгэлийг зургаадугаар сарын 23-ны өдрийн 13:00 цаг хүртэл сунгалаа.

Хоол үйлдвэрлэл, үйлчилгээ эрхлэхэд бүрдүүлэх баримт бичиг:

(Зөвхөн аж ахуйн нэгж бүртгүүлэхийг анхаарна уу)

• Онлайн бизнес төвд бүртгүүлсэн, зөвшөөрөгдсөн төлөвтэй “Бүртгэлийн хуудас” эсхүл Зөвшөөрлийн нэгдсэн системийн баталгаажсан төлөвтэй “Мэдэгдэл”-ийн тодорхойлолт;
• Тогоочийн мэргэжлийн үнэмлэх;
• Тогооч болон ажилчдын эрүүл мэндийн урьдчилан сэргийлэх үзлэг, шинжилгээнд хамрагдсан дэвтэр (сүүлийн 6 сарын хугацаанд үзлэг, шинжилгээнд хамрагдсан байх);
• Хуулийн этгээдийн улсын бүртгэлийн гэрчилгээ;
• Захирлын иргэний үнэмлэх;
• Иргэний үнэмлэх;
• Явуулын хоолны машины зураг;
• Албан хүсэлт, өргөдөл;

 Худалдаа, үйлчилгээ эрхлэхэд бүрдүүлэх баримт бичиг:

• Онлайн бизнес төвд бүртгүүлсэн, зөвшөөрөгдсөн төлөвтэй “Бүртгэлийн хуудас” эсхүл Зөвшөөрлийн нэгдсэн системийн баталгаажсан төлөвтэй “Мэдэгдэл”-ийн тодорхойлолт;
• Ажилчдын эрүүл мэндийн урьдчилан сэргийлэх үзлэг, шинжилгээнд хамрагдсан дэвтэр (сүүлийн 6 сарын хугацаанд үзлэг, шинжилгээнд хамрагдсан байх);
• Худалдах бараа, бүтээгдэхүүний нэр төрөл, зураг;
• Иргэний үнэмлэх;
• Хуулийн этгээдийн улсын бүртгэлийн гэрчилгээ;
• Албан хүсэлт, өргөдлийг бүрдүүлнэ гэж НЗДТГ-ын хэвлэлийн хэлтсээс мэдээллээ.

Иргэн, ААН-ийг бүртгэх хугацаа өнөөдөр дуусах байсныг маргааш буюу зургаадугаар сарын 23-ны 13:00 цаг хүртэл сунгасан байна.