Эрчим хүчний сайд асан Н.Тавинбэхийг саатуулан, шалгаж эхэлжээ
Эрчим хүчний сайд асан Н.Тавинбэхийг Авлигатай Тэмцэх Газраас шалгаж, саатуулсан байна.
Түүнийг 10 аймагт дулааны станц барих нийт 148.7 сая ам.долларын зээлийн санхүүжилттэй төслийн зөвлөх үйлчилгээнд 9 сая ам.долларын гэрээ байгуулсан ч албан тушаалын байдлаа урвуулан ашиглаж гэрээний хугацааг сунгасан, зөвлөх үйлчилгээний төсвийг үндэслэлгүйгээр 2.6 сая ам.доллароор нэмэгдүүлсэн гэдэг үндэслэлээр саатуулан шалгаж байгаа аж.
Энэ хэрэгтэй Н.Тавинбэхээс гадна хоёр хүнийг сэжигтнээр баривчилж, 21 газарт прокурорын зөвшөөрлөөр нэгжлэг хийжээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
