"The MongolZ" баг дэлхийн аваргын шөвгийн наймд шалгарахын төлөө Европын "G2 Esports"-ийн эсрэг тоглоно
Цахим спортын "Counter Strike 2" тоглоомын энэ оны хоёр дахь Дэлхийн Аварга Шалгаруулах Тэмцээн (ДАШТ) Унгарын Будапешт хотноо гуравдугаар шатны тоглолтуудаар үргэлжилж байна.
"The MongolZ" баг гуравдугаар тойрогт Европын "FaZe Clan" багийн эсрэг "Во1" журмаар өнгөрсөн шөнө тоглож, 13.7 тооны харьцаатай ялалт байгуулсан. Ийнхүү манай улсын баг гуравдугаар шатанд хоёр хожил, нэг хожигдол гэсэн үзүүлэлттэй болж байна.
Тэд шөвгийн наймд шалгарахын төлөө Европын "G2 Esports" багийн эсрэг өнөө шөнийн 03:00 цагт "Во3" журмаар тоглох хуваарь гарчээ. Тус хоёр баг өмнө нь томоохон тэмцээний хүрээнд таван удаа таарч тоглоход "The MongolZ" баг өрсөлдөгчөө дөрвөн удаа хожиж байв.
Одоогийн байдлаар StarLadder Budapest Major-2025 тэмцээний шөвгийн наймд Бразилын "FURIA", ОХУ-ын "Team Spirit" гэсэн хоёр баг шалгараад байгаа юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
