ПАРИС 2024: Өнөөдөр П.Орхон, М.Лхагвагэрэл нар барилдана

Гэрэл зургийг MPA агентлагийн онцгой зөвшөөрөлтэйгөөр ашиглав

Өнөөдөр Францын дэвжээнд Монголын хоёр бөх өрсөлдөнө. Тодруулбал эмэгтэйчүүдийн 62 кг-ийн жинд П.Орхон, эрэгтэйчүүдийн 125 кг-ийн жинд М.Лхагвагэрэл нар барилдах юм.

Өвөрхангай аймгийн Зүүнбаян-Улаан сумын харьяат, "Алдар" спорт хорооны тамирчин П.Орхон эхний тойрогт олимпын хүрэл (2020), Дэлхийн Аварга Шалгаруулах Тэмцээн (ДАШТ)-ий мөнгө (2019), хүрэл (2023) медальт Украины Ирина Коляденкотой хүч үзнэ. Түүнийг ялбал ДАШТ-ий алт (2021), мөнгөн медальт (2018) Болгарын Биляна Дудова, Шведийн Йоханна Линдбёргийн ялсантай нь оноолт таарна.

Завхан аймгийн Яруу сумын харьяат, "Хилчин" спорт хорооны тамирчин М.Лхагвагэрэл эхний даваанд ДАШТ-ий хүрэл медальт (2023) АНУ-ын Мэйсон Пэрристэй сугалаа таарав. Түүнийг ялбал Египетийн Камал Диааелдин, ДАШТ-ий хошой хүрэлтэй (2023, 2024) Азербайжаны Георгий Мешвилдишвили хоёрын ялсантай нь хүч сорино.

Чөлөөт бөхийн барилдаанууд Улаанбаатарын цагаар 17:00 цагаас, шигшээ барилдаан 00:15 цагаас болох юм.