Наймдугаар сард манай улсад АНУ, Япон, Швейцар улсын төр, засгийн тэргүүн нар айлчилна
2024 оны наймдугаар сард манай улсад АНУ, Япон, Швейцар улсын төр, засгийн тэргүүн нарын өндөр дээд хэмжээний айлчлал зохион байгуулагдана.
Эх сурвалжуудын мэдээлснээр АНУ-ын Төрийн нарийн бичгийн дарга Э.Блинкэн наймдугаар сарын 1-ний өдөр, Япон улсын ерөнхий сайд Фүмио Кишида наймдугаар сарын эхээр манай улсад айлчилна.
Харин Швейцарын Холбооны Улсын Ерөнхийлөгч Виола Амердийн айлчлалын тов тодорхой бус байна. Энэ онд Монгол, Швейцар хоёр улсын хооронд дипломат харилцаа тогтоосны 60 жилийн ой тохиож байгаа юм.
АНУ-ын Төрийн нарийн бичгийн дарга Э.Блинкэн Монгол Улсын Гадаад харилцааны сайдын урилгаар айлчлал хийнэ.
Энэ сард Бутан улсын Хаан Жигмэ Гэсэр Намжил Ванчук, Хатан Жэцүн Пэма Ванчук нар гэр бүлийн хамтаар манай улсад айлчлаад буцсан билээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
