Уншиж байна ...

Бали арлыг зорих жуулчдаас $10-ын хураамж авах шийдвэр гарчээ

Б.МАНЛАЙ, IKON.MN
2024 оны 2 сарын 12
iKon.MN
Зураг зураг

Бүгд Найрамдах Индонез Улсын Бали арлыг зорих гаднын жуулчдаас 2024 оны хоёрдугаар сарын 14-ний өдрөөс эхлэн 150,000 индонез рупий буюу 10 орчим ам.долларын аялал жуулчлалын хураамж “The International Tourist Levy”-ийг авах шийдвэрийг тус арлын захиргаанаас гаргасан байна.

Бали арлын аялал жуулчлалын хураамжийг тус арал руу зорчихын өмнө www.lovebali.baliprov.go.id цахим холбоосоор нэвтэрч, бүртгэл үүсгэн цахим хэлбэрээр урьдчилан төлөх, хураамж төлсөн баримтыг Бали арлын хилийн шалган нэвтрүүлэх хэсэгт уншуулж, баталгаажуулах шаардлагатай болжээ.

Энэхүү аялал жуулчлалын хураамж нь Индонез улсын бусад хот, мужаас Бали арлыг зорих гадаад улсын жуулчдад мөн адил үйлчлэх ба албан болон хөдөлмөр эрхлэх, эсхүл суралцах албан ёсны виз, зөвшөөрөлтэй иргэдэд үйлчлэхгүйг ГХЯ-ны Консулын газраас мэдээллээ.