Нүүрсний хулгайн хэрэгт шууд болон шууд бусаар холбогдсон хүмүүсийн нэгээр нэрлэгдсэн Ерөнхийлөгч асан Х.Баттулга хилээр гарчээ.
Энэ тухай Эдийн засгийн хөгжлийн сайд Ч.Хүрэлбаатар "Х.Баттулга өглөө 10:00 цагийн үед хилээр гараад зугтаажээ. Албаны хүмүүсээс тодрууллаа. Зугтаасан нь үнэн гэнэ. АТГ-т байцаалт өгч байна л гэсэн, яллагдагчаар татагдлаа л гэсэн. Нүүрсний хулгайн хэрэг, Хөгжлийн банкны хэрэг, Төмөр замын хэрэг зэрэг энэ бүгд яах вэ?" хэмээн өөрийн цахим хуудастаа бичжээ.
Ерөнхийлөгч асан Х.Баттулга нь арванхоёрдугаар сарын 15-нд буюу ердөө гуравхан хоногийн өмнө нүүрсний хулгайн асуудлаар Авлигатай Тэмцэх Газар (АТГ)-т мэдүүлэг өгсөн тухай албаны эх сурвалж мэдээлсэн.
Нүүрсний хэрэгт шууд болон шууд бусаар холбогдсон хүмүүсийн нэрийг АТГ-аас зарласны дунд Ерөнхийлөгч асан Х.Баттулгын нэр багтсан билээ.