Жагсагчдын зарим нь Маршалын гүүрэн дээр очиж, цагдаагийн алба хаагчид тус хэсгийг хамгаалалтад авчээ
Маршалын гүүрэн дээр цагдаагийн алба хаагчид хамгаалалтад гарч, автомашины хөдөлгөөнийг хаасан байна.
Иргэд жагсаалаа Их Тэнгэрийн аманд үргэлжлүүлж, эсэргүүцлээ илэрхийлсээр байгаа юм. Нам бус залуус нэгдэж, энэхүү жагсаалыг маргааш ч үргэлжлүүлнэ гэдгийг хэлж байв. Үүнтэй холбоотой цагдаагийн хамгаалалт гарчээ. Энэ талаар цагдаагийн байгууллагаас одоогоор тайлбар өгөөгүй байна.
Харин иргэдийн төлөөлөл "Үнэнийг хэлэхэд бид ариун цэврийн цааснаасаа илүү гарч чадахгүй байна. Гуравхан сая хүн амтай улс орныг ингэж туйлдуулж байна. Гэтэл дарга нар нь өөрсдөө их наядаар идэж байгаа. Өнөөдөр Монголд дундаж давхарга байхгүй болсон. Зөвхөн баян, ядуу амьдрал л байна. Бүгдээрээ л улны амьдарч байна" хэмээн үзэл бодлоо илэрхийллээ.
Мөн өөрсдийн цахим хуудсаар дамжуулан нөхцөл байдлыг олон нийтийн сүлжээнд хуваалцаж байгаа юм.
