Яармагийн замын нэгдүгээр эгнээгээр зөвхөн нийтийн тээврийн автобус явуулахад бэлэн болсныг зарлалаа
Хан-Уул дүүргийн нутаг дэвсгэр, Яармагт авто замын түгжрэл ихтэй байдаг. Энэ зун тус чиглэлийн авто замын нэгдүгээр эгнээгээр нийтийн тээврийн автобус зорчиход зориулж тэмдэг, тэмдэглэгээ, камерын системийг суурилуулжээ. Ингэснээр Яармагийн авто замын нэгдүгээр эгнээгээр зөвхөн нийтийн тээврийн автобус явуулж, туршихад бэлэн болсныг Нийслэлийн Замын Хөгжлийн Газраас мэдээллээ.
Авто замын хөдөлгөөнд оролцож буй жолооч нар нэгдүгээр эгнээг чөлөөлж, автобус зорчих боломж олгохыг тус газраас уриалав.
Өнөөдрийн байдлаар Энхтайвны өргөн чөлөө буюу төв замын нэгдүгээр эгнээгээр зөвхөн нийтийн тээврийн автобус зорчиж байгаа билээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
