Баавгай нэг хүний аминд хүрч, нэг хүнийг хүнд гэмтээжээ
Баянзүрх дүүргийн 35 дугаар хороо буюу Шар хаднаас 23 км зайтай газарт амьдардаг айлын гэр рүү баавгай халдаж нэг хүний аминд хүрч, нэг хүнийг хүнд гэмтээсэн явдал өнгөрөгч шөнө гарчээ.
“Улиастай бурхантын аманд айлын гэр рүү баавгай дайраад байна” гэсэн мэдээлэл аравдугаар сарын 8-ны 01:00 цагийн үед цагдаагийн байгууллагад бүртгэгдсэн байна. Дуудлагын дагуу очиход монгол гэр рүү баавгай дайрч 46 настай эрэгтэйн аминд хүрч, 55 настай эмэгтэй толгойг хазаж хүнд гэмтээсэн байжээ.
Энэхүү харамсалтай явдлын талаар өнөөдөр 09:30 цагт цагдаагийн байгууллагаас албан ёсны мэдээлэл өгнө гэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
