Уншиж байна ...
ХУУЧИРСАН МЭДЭЭ: 2022/11/30-НД НИЙТЛЭГДСЭН

Л.Оюунжаргал: Монгол орны хэмжээнд хамгийн хүйтэн өвөлждөг бүс нутаг нь Хөвсгөл аймаг

П.Сайнжаргал, IKON.MN
2022 оны 11 сарын 30
iKon.MN
Зураг зураг
Гэрэл зургийг MPA агентлагийн онцгой зөвшөөрөлтэйгөөр ашиглав

Энэ сарын 28, 29-ний шөнө Төв Сибирийн бүсээс хүйтэн агаарын урсгал Монгол Улсын нутаг дэвсгэрийг дайран өнгөрсөн. 

Хүйтний эрч эрс чангарсан энэхүү хоёр өдөр Завхан, Хөвсгөл аймгийн зарим сумын нутгаар -40-43 градус хүйтэрсэн байна. Харин Дорнод аймгийн Халхгол суманд хамгийн дулаан буюу -23 градус хүрч хоножээ. 

Тэгвэл энэ удаагийн хүйтрэлээр нийт нутгаар ямар өөрчлөлт гарсан талаар Цаг уур, орчны шинжилгээний газрын Урьдчилан мэдээлэх хэлтсийн дарга Л.Оюунжаргалаас нэмж тодрууллаа. 

Тэрбээр "Сүүлийн өдрүүдэд Дорнод аймгийн Халхгол сумын нутагт хамгийн дулаан байсан. Мөн Хөвсгөл аймгийн Эрдэнэбулган, Баянхонгор аймгийн Шинэжинст буюу Эхийн голд -23 градустай хоносон байна. Уг нь говийн аймгууд харьцангуй дулаахан байдаг. Гэтэл энэ хүйтрэлээр говийн бүс нутаг -10-15 градусаар хүйтэрсэн. 

Монгол орны хэмжээнд хамгийн хүйтэн өвөлждөг бүс нутаг нь Хөвсгөл аймаг. Харин эсрэгээрээ Өмнөговийн нутагт хамгийн дулаан өвөл болдог.
Түүхэндээ 1966 оны арванхоёрдугаар сарын 26-нд Увс аймгийн Зүүнговь суманд хамгийн хүйтэн өвөл болж байсан. Тодруулбал, агаарын температур -55.6 градус хүрч ажиглагдсан.

Монгол орны хэмжээнд хамгийн хүйтэн байсан сар гэвэл, 2016 оны нэгдүгээр сарыг онцолж хэлнэ. Ялангуяа, нутгийн баруун хагаст эрс хүйтэрч байсан. Увс, Завханы нутгаар -50-55 градус хүрсэн байдаг" гэлээ. 

Ирэх сарын урьдчилсан мэдээллээр нутгийн хойд хагаст Олон Жилийн Дундаж (ОЖД)-аас хүйтэн байх төлөв гарсан гэдгийг тэрбээр нэмж хэлэв.