Т.Бэгзсүрэн: Судалгаагаар есдүгээр сард нийт тархалтын 80-аас илүү хувь нь дельта хувилбар байх магадлалтай гарсан
МУИС-ийн судлаач, доктор Т.Бэгзсүрэн коронавирусийн дельта хувилбарын талаар болон сурагчдыг 5/9 зарчмаар хэр хугацаанд хичээллэх магадлалтай талаар мэдээлэл өглөө.
Доктор Т.Бэгзсүрэн "5/9 зарчмаар хичээллэснээр халдвар тархалтыг 50% бууруулж байгаа. Энэ нь нэг долоо хоногт танхимаар, нэг долоо хоног зайнаас суралцах хувилбар.
Судалгаагаар есдүгээр сард нийт тархалтын 80-аас илүү хувь нь дельта хувилбар байх магадлалтай гарсан. Тархалтын оргил үе есдүгээр сарын дунд, сүүл үеэр таарч, аажимдаа буурах төлөвтэй байна.
Иймд энэ оныг дуустал 5/9 зарчмаар хичээллэх нь зүйтэй гэж үзэж байна.
Дельта хувилбарын нууц үеийн хугацаа нь альфа болон Уханьд бүртгэгдсэн анхны хувилбартай харьцуулахад богино. Альфа хувилбарын нууц үе 5.7 хоног бол дельта хувилбарынх 4.3-4.4 байдаг.
Дельта хувилбараар халдварласан хүн вирусээ гадагшлуулах нь их тул танхимаар хичээллэх хоногийн тоог бууруулах шаардлага бий. Хэрэв есдүгээр сард тархалт нэмэгдвэл 4/10 болох магадлалтай.
Хичээлийн хуваарийг гаргаж буй хүмүүст хандан хэлэхэд Баасан эсвэл Даваа гарагт аль болох хичээллэхгүйгээр бусад гарагт хичээллэхээр хуваариа зохиовол оновчтой" гэсэн юм.
ВИДЕО:
