Манай улс энэ сард коронавирусийн эсрэг 900,000 тун вероселл вакциныг БНХАУ-аас татан авахаар төлөвлөсөн.
Үүний эхний ээлж болох 300,000 тун вакциныг өнөөдөр 22:25 цагт МИАТ ТӨХК-ийн агаарын хөлгөөр тээвэрлэн авчрав. Үлдсэн 600,000 тун вакциныг дөрөвдүгээр сарын 10-ны дотор татан авах төлөвлөгөөтэй байгааг Засгийн газраас танилцуулсан билээ.
Монгол Улс хоёрдугаар сарын 23-наас коронавирусийн эсрэг дархлаажуулалтыг эхлүүлсэн бөгөөд өнөөдрийг хүртэл хугацаанд 323,690 хүнийг дархлаажуулаад байна.