Уурхайн бусад ажилтны шинжилгээний хариу хэвийн гарвал тусгаарлах шаардлагагүй гэж Ханбогд сумын Онцгой комисс шийдвэрлэжээ

Өмнөговь аймгийн Ханбогд сум (Гэрэл зургийг mpa.mn)

Эрүүл мэндийн сайд С.Энхболд "Оюу толгой" компанид өчигдөр коронавируст халдварын сэжигтэй тохиолдол илэрсэн талаар мэдээлсэн. Тухайн иргэний шинжилгээний хариу хараахан гараагүй байгаа аж. 

Үүссэн нөхцөл байдалтай холбогдуулан Өмнөговь аймгийн Ханбогд сумын Онцгой комисс өнөөдөр хуралдаж, дараах шийдвэрийг гаргажээ. Тухайлбал,

• Сэжигтэй тохиолдол илэрсэн цаг хугацаанд ээлжээс бууж ирсэн нийт 317 хүнээс PCR шинжилгээ авах,
• Ажлын байр ойролцоо гэж үзсэн далд уурхайн ажилтан 27, ойр харьцсан байх магадлалтай 4, нийт 31 хүнийг гэрийн хорионд тусгаарлан, давтан шинжилгээг долоо хоногийн дараа авах,
• Улсын Онцгой комисс болон аймгийн Онцгой комиссоос өгсөн чиглэлийн дагуу бусад ажилтны шинжилгээ хэвйин гарсан тохиолдолд тусгаарлах шаардлагагүй,
• Сургууль, цэцэрлэгийн танхимын сургалтыг хэвийн үргэлжлүүлнэ. Ингэхдээ БШУЯ-наас гаргасан журмын дагуу хүүхдээ танхимын сургалтад суулгах эсэхийг эцэг, эхийн саналаар шийднэ.

Эх сурвалж: Ханбогд сумын Онцгой комисс