ТАНИЛЦ: Шинээр баригдах музейнүүдийн ТӨСӨВ
2020 оны төсвийг УИХ-д өргөн барихтай холбогдуулан төсвийн талаарх танилцуулгыг Сангийн яамнаас өнөөдөр хийсэн билээ.
Мэдээллийн үеэр ирэх онд Соёл урлагийн салбарын хөрөнгө оруулалтыг хэрхэн тусгаснаа тайлбарласан юм.
Хотын өнгө төрхийг илэрхийлэх музейнүүдийг болон зарим хуучин барилгыг сэргээн засварлах ажлыг хийхээр төлөвлөөд буй. Эхнээсээ зарим барилгын загвар, макетыг гаргасан бөгөөд 2020 оны төсөвт ийнхүү тусгаад буй аж.
Энэхүү төсвийг УИХ-аар эцэслэн батлах бөгөөд өөрчлөлт орох магадлалтай юм.
Эргэн сануулахад, энэ оны зургаадугаар сард болсон Засгийн газрын ээлжит хуралдаанаар Ерөнхий сайд У.Хүрэлсүх "Чингис хааны музей" байгуулахыг БСШУС-ын сайд Ё.Баатарбилэгт үүрэг болгосон удаатай. Иймд тус музей нь хуучин Байгалийн түүхэн музейн суурин дээр баригдахаар болсон.
- Байгалийн түүхийн музей /Их тэнгэрийн аманд баригдана/ - 2020 онд санхүүжих дүн 31.9 тэрбум төгрөг (Төсөвт өртөг - 94.4 тэрбум)
- Үндэсний төв цэнгэлдэх хүрээлэн /Яармагт баригдана/ - Санхүүжих дүн 5.0 тэрбум төгрөг
- Чингис хаан музейн барилга /Хуучин байгалийн түүхэн музейн суурин дээр баригдана/ - 2020 онд санхүүжих дүн 53 тэрбум төгрөг (Төсөвт өртөг - 53 тэрбум)
- Үндэсний урлагийн их театр - 2020 онд санхүүжих дүн 30 тэрбум төгрөг (Төсөвт өртөг - 152.5 тэрбум)
- Төв номын сан - Санхүүжих дүн 4.0 тэрбум төгрөг
- Улсын драмын эрдмийн театр - Санхүүжих дүн 4.0 тэрбум төгрөг
- Дуурь бүжгийн эрдмийн театр - Санхүүжих дүн 4.0 тэрбум төгрөг
- Шинжлэх ухаан, инновацын төвийн кластер - Санхүүжих дүн 3.0 тэрбум төгрөг
Засгийн газраас соёл, урлагийн салбарын хөгжилд түлхүү анхаарч, ард иргэдээ соён гэгээрүүлэхэд ач холбогдол өгөх бодлого хэрэгжүүлж буйгаа мөн онцолсон байдаг.
