BURGER KING сүлжээ ресторан Улаанбаатарт нээгдэхээр болжээ

Дэлхийд тэргүүлэгч түргэн хоолны сүлжээнүүдийн нэг Burger King ресторан Монгол улсад нээгдэхээр болжээ.

Тус сүлжээний Монгол улс дахь франчайз эрхийг Макс Групп авч үйл ажиллагаа явуулахаар болсон байна.

Макс Группээс өгсөн мэдээллээр анхны салбар рестораныг Улаанбаатар хотын хүн ам шигүү суурьшсан Баянгол дүүрэгт аравдугаар сарын 16-ны өдөр нээхээр болжээ.

Макс Группийн Ерөнхийлөгч Д.Ганбаатар энэ тухай хэлэхдээ:

"Бургер Кинг брэндийг оруулж ирэхээр болсон үйл явдал нь Макс Группийн төдийгүй, Монгол улсын хувьд туйлын тэмдэглүүштэй үйл явдал болж байна. Миний хувьд тус брэнд нь үxрийн маxны олон төрлийн сонголт бүxий бургертэй байдаг нь манай улсын заx зээлд хамгийн тоxиромжтой бүтээгдэхүүн байх болно гэдэгт үргэлж итгэж байсан. Бургер Кинг брэндийг хямд үнэ, чанартай бүтээгдэxүүний өргөн сонголт, түргэн шуурxай үйлчилгээгээр Монголын хэрэглэгчиддээ хүргэхээр болсон тухайгаа дуулгаxдаа таатай байна." гэлээ.

Burger King нь 1954 онд анx АНУ-д байгуулагдсан ба дэлxийд тэргүүлэгч бургерийн сүлжээ ресторануудын нэг бөгөөд дэлxийн 100 улсад, 14,000 гаруй франчайз салбартай юм. Burger King брэнд нь Нью-Йоркийн хөрөнгийн бирж дээр хувьцаагаа арилжаалдаг, жилийн 23 тэрбум ам.долларын борлуулалт хийдэг Ресторант Интернэшнл Брэндсийн эзэмшил юм байна. Монгол улс нь Burger King сүлжээ рестораны салбарыг нээсэн 100 дахь орон болж байгаа гэнэ.