“УБТЗ” ХНН: Коксожсон хөх нүүрсийг тээвэрлэж эхэллээ
Улаанбаатар хотын агаарын бохирдлыг бууруулах ажлын хүрээнд өнгөрсөн жил БНХАУ-аас коксожсон хөх нүүрсийг импортоор авч айл өрхүүдийн дулааны хэрэгцээг хангах ажлыг зохион байгуулснаар нийслэлийн агаарын бохирдол 50 гаруй хувиар буурсан гэж дүгнэсэн.
Тэгвэл энэ жил БНХАУ-аас дахин 280 мянган тонн коксожсон хөх нүүрсийг импортоор авах юм. Коксожсон хөх нүүрсний тээвэрлэлтийг өнгөрсөн жил хариуцан шуурхай тээвэрлэсэн “Улаанбаатар төмөр зам” ХНН 2026 оны 10 дугаар сарын 10-ны өдрөөс эхлэн Эрээн өртөөнөөс коксожсон хөх нүүрсийг хүлээн авч тээвэрлэж эхлээд байна.
Өнгөрсөн 2 хоногийн хугацаанд Эрээн өртөөнөөс 2 галт тэрэг буюу 100 вагон 4,460 тонн хөх нүүрсийг хүлээн авч тээвэрлэжээ. Коксожсон хөх нүүрсний тээвэрлэлтэд одоогоор 9 цуваа оролцож байна.
Цаашдаа Эрээн өртөөнөөс 275,539 тонн хөх нүүрсийг хүлээн авч тээвэрлэх бэлтгэл ажлаа “Улаанбаатар төмөр зам” ХНН хангаад байгаа аж.
Эх сурвалж: “УБТЗ” ХНН
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
