"3, 6, 11, 15 настай хүүхдүүдийн эцэг эх, асран хамгаалагч нараас зөвшөөрөл авч, эрт илрүүлэгт хамруулна"
Нийслэл хотын цэцэрлэг, ЕБС-д сурч буй хүүхдүүдийг эрүүл мэндийн урьдчилан сэргийлэх, эрт илрүүлэх үзлэгт хамруулж эхэлжээ. Эрт илрүүлгийн үзлэг энэ оны арванхоёрдугаар сарын 1-нийг хүртэл үргэлжилнэ.
Нийслэлийн Эрүүл Мэндийн Газраас мэдээлснээр цэцэрлэгийн дунд бүлэг буюу 3 настнууд, ерөнхий боловсролын сургуулийн 1, 6, 10 дугаар ангийн сурагчдын эцэг эх, асран хамгаалагч нараас зөвшөөрөл авсны үндсэн дээр эрүүл мэндийн үзлэгт хамруулах юм байна.
Өөрөөр хэлбэл эцэг эх, асран хамгаалагч нарт зөвшөөрлийн хуудас өгөх бөгөөд уншиж, танилцаад зөвшөөрсөн бол хүүхдийн эрүүл мэндтэй холбоотой богино хэмжээний асуумж бөглүүлсний дараа үзлэгт хамруулах ажээ.
Зөвшөөрлийн хуудас нь:
- Эрт илрүүлгийн үзлэгийн зорилго
- Ямар үзлэг, үнэлгээ хийх
- Үзлэгийг хэн, хэрхэн хийх
- Эрсдэлтэй эсэх
- Мэдээлэл хэрхэн хамгаалагдах тухай мэдээллийг өгөх юм байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
