"Хоолны газар шатаж байна гэсэн дуудлагын дагуу гал түймрийг унтраахаар ажиллаж байна"
ТБД андууд худалдааны төвийн дэргэдэх барилгад гал түймэр гарсан байна.
Энэ тухай Нийслэлийн Онцгой Байдлын Газраас "Баянгол дүүргийн 2 дугаар хороо, Старс төвийн 5 давхарт хоолны газар шатаж байна гэсэн дуудлага өнөөдөр (2026.07.24) 07:59 цагт ирсэн.
Дуудлагын дагуу Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар анги, Хан-Уул дүүргийн Онцгой байдлын хэлтсийн Гал түймэр унтраах, аврах 14 дүгээр ангийн алба хаагчид ажиллаж байна.
Галын тархалтыг 08:35 цагт зогсоож, бүрэн унтраахаар ажиллаж байна. Хүн галд өртсөн тухай мэдээлэл байхгүй.
Гал унтраах ажиллагааг ОБЕГ-ын Гал түймэртэй тэмцэх газраас удирдлага, зохион байгуулалтаар ханган ажиллаж байна" гэж мэдээллээ.
СЭРЭМЖЛҮҮЛЭГ:
- Өрх гэр, албан байгууллагын галын аюулгүй байдлаа хангах
- Цахилгаан хэрэгслийг ашигласны дараа бүрэн унтрааж, шалгах
- Ил гал, чүдэнз, лаа, зул, арц, хүжийг бүрэн унтрааж байхыг анхааруулав.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
