ҮСХ: Эрх мэдэл, албан тушаалаа урвуулан ашиглах гэмт хэрэг 4.3 хувиар өссөн
Улсын хэмжээнд энэ оны эхний хагас жилд 27,254 гэмт хэрэг бүртгэгдсэнийг Үндэсний Статистикийн Хороо (ҮСХ)-ноос мэдээллээ.
Гэмт хэргийн тохиолдлыг өмнөх оны мөн үетэй харьцуулахад 2.1 хувиар өссөн байна.
Гэмт хэргийн өсөлтөд:
- Өмчлөх эрхийн эсрэг гэмт хэрэг 3.3 хувиар
- Цахим мэдээллийн аюулгүй байдлын эсрэг гэмт хэрэг 4.6 хувиар өссөн нь голлох нөлөөг үзүүлжээ.
Өмнөх оны мөн үеийнхтэй харьцуулахад учирсан хохирлын хэмжээ 0.4 хувиар, нөхөн төлүүлсэн хохирол 15.4 хувиар тус тус буурсан дүн гарав.
Түүнчлэн дээрх хугацаанд авлигын 341 гэмт хэрэг бүртгэгдсэн бөгөөд өмнөх оны мөн үеийнхтэй харьцуулахад 6.9 хувиар өссөн байна.
Авлигын гэмт хэргийн өсөлтөд эрх мэдэл, албан тушаалын байдлаа урвуулан ашиглах гэмт хэрэг 4.3 хувиар өссөн нь голлон нөлөөлжээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
