Ц.Очирбат: Нарны зам, Их тойруу, Бага тойруугийн авто замын хөвөөгөөр хийж байгаа ногоон тэмдэглэгээ скүүтэр, мопедын эгнээ
Нийслэл хотын зарим авто замын зорчих хэсгийн хөвөөгөөр ногоон тэмдэглэгээ хийжээ. Тухайлбал Цэцэг төвийн авто замын хөвөө ногоон тэмдэглэгээтэй болсон байна.
Энэ тухай гүйцэтгэгч "Дабо МБД" ХХК-ийн инженер Ц.Очирбат "Авто замын зорчих хэсгийн хөвөөгөөр байгаа ногоон тэмдэглээтэй хэсэг нь скүүтэр, мопедтой иргэд зорчих эгнээ юм. Энэхүү тэмдэглэгээг Нарны зам, Их тойруу, Бага тойруугийн авто замын зорчих хэсэгт хийж байна.
Үргэлжлүүлэн Сөүлийн гудамж, Энэбишийн өргөн чөлөө, Ногоон гудамжны авто замын зорчих хэсэгт скүүтэр, мопедын эгнээг гаргана.
Автомашины жолооч нар скүүтэр, мопедын эгнээгээр зорчихгүй байхыг хүсье" гэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
