Улсын заан М.Лхагвагэрэл их шөвгийн дөрөвт үлдэж, УЛСЫН ГАРДИ цолын болзол хангав
Тулгар төрийн 2235, Их Монгол Улс байгуулагдсаны 820, үндэсний эрх чөлөө, тусгаар тогтнолоо сэргээн мандуулсны 115, Ардын хувьсгалын 105 жилийн ойн Үндэсний их баяр наадмын хүчит бөхийн барилдаан наймын даваагаар үргэлжилж байна.
Завхан аймгийн Яруу сумын харьяат, "Хилчин" спорт хороо, ХЦ-0208 анги, Жем Интернэйшнл ХХК, Завхан Даян дэвжээний бөх улсын заан М.Лхагвагэрэл аймгийн хурц бадрангуй арслан Д.Алтанцоожоор НАЙМ давж, Монгол Улсын Гарди цолын болзол хангалаа.
Улсын заан М.Лхагвагэрэлт өвдөг шороодсон аймгийн хурц бадрангуй арслан Д.Алтанцоож УЛСЫН ЗААН цолтон боллоо.
Одоогийн байдлаар их шөвгийн дөрөвт дархан аварга Н.Батсуурь, улсын арслан Б.Орхонбаяр, улсын заан М.Лхагвагэрэл нар үлдээд байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
