Дархан аварга Н.Батсуурь улсын начин Л.Энхсаруулаар НАЙМ давж, их шөвгийн дөрөвт үлдлээ
Тулгар төрийн 2235, Их Монгол Улс байгуулагдсаны 820, үндэсний эрх чөлөө, тусгаар тогтнолоо сэргээн мандуулсны 115, Ардын хувьсгалын 105 жилийн ойн Үндэсний их баяр наадмын хүчит бөхийн барилдаан наймын даваагаар үргэлжилж байна.
Увс аймгийн Ховд сумын харьяат, "Увс Нуур" дэвжээ, "Сүлд" спорт хороо, "Хемон Констракшн" ХХК-ийн бөх Монгол Улсын Дархан аварга Н.Батсуурь улсын заан цолын болзол хангаад буй Увс аймгийн Ховд сумын харьяат, улсын начин Л.Энхсаруулаар найм давж, их шөвгийн дөрөвт үлдлээ.
Одоогийн байдлаар их шөвгийн дөрөвт дархан аварга Н.Батсуурь, улсын арслан Б.Орхонбаяр нар үлдээд байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
