Энэ долоо хоногийн сүүлээр Монгол улсад айлчлах Өмнөд Солонгосын ерөнхийлөгч өнөөдөр аян замдаа гарчээ
БНСУ-ын ерөнхийлөгч И Жэ Мюн өнөөдөр өглөө Туркийн нийслэл Анкара хот руу ниссэн байна.
Тэрбээр Мягмар, Лхагва гарагуудад тэнд зохион байгуулагдах NATO-гийн дээд хэмжээний уулзалтад оролцсоныхоо дараа Монгол улсад төрийн айлчлал хийх юм.
Өмнөд Солонгос нь Япон, Австрали, Шинэ Зеланд улсуудын хамт Энэтхэг, Номхон Далайн бүсийн Дөрвөл (IP4) гэсэн NATO-гийн холбоотнуудын түншлэлийг бүрдүүлдэг тул тус байгууллагын ерөнхий нарийн бичгийн дарга Марк Рюттегийн урилгаар оролцож байна.
Анкарагийн чуулганд АНУ-ын ерөнхийлөгч Дональд Трамп тэргүүтэй NATO-гийн гишүүн 32 орны төр засгийн тэргүүнүүд оролцох юм.
И Жэ Мюн ерөнхийлөгч Пүрэв гарагаас Бямба гараг хүртэл Монгол улсад айлчлахдаа ерөнхийлөгч Ухнаагийн Хүрэлсүхтэй уулзаж, хоёр улсын бизнес форумд оролцож, энэ жилийн баяр наадмын нээлтийг үзэхээр төлөвлөжээ.
Өмнөд Солонгосын ерөнхийлөгч хамгийн сүүлд 15 жилийн өмнө Монгол улсад айлчилж байсан юм.
Эх сурвалж: Yonhap News
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
