₮6.4 тэрбумын төсөвтэй цэцэрлэгийн барилгыг дөрвөн жилийн дараа ашиглалтад оруулах гэж байна
Нийслэлийн төсвийн хөрөнгө оруулалтаар Баянзүрх дүүргийн 19 дүгээр хороонд барьж буй 240 хүүхдийн хүчин чадалтай цэцэрлэгийн барилга угсралтын ажил 88 хувийн гүйцэтгэлтэй үргэлжилж байгааг НЗДТГ-ын хэвлэлийн хэлтсээс мэдээлэв.
Тус барилгын ажлыг дөрвөн жилийн өмнө буюу 2022 онд эхлүүлжээ. Харин төсөвт өртөг нь ₮6.4 тэрбум байна.
Цэцэрлэгийн барилга нь 2,105 ам метр талбайтай, хагас зоорь бүхий хоёр давхар барилга бөгөөд хүүхдүүдэд аюулгүй, тав тухтай сургалтын орчин бүрдүүлэхээр төлөвлөгджээ. Өнөөдрийн байдлаар барилгын дотор заслын ажил болон гадна тохижилтыг хийж байгаа аж.
Барилгын ажлыг "Ди Би Ти Би" ХХК гүйцэтгэж, 2026 онд багтаан ашиглалтад оруулахаар ажиллаж байна гэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
