Энэ сарын 6, 7-нд нийслэлийн төв талбайд "Америкийн өдрүүд: Тусгаар тогтнолын 250 жилийн ой" баярын арга хэмжээ болно
iKon.MN
Гэрэл зургийг MPA агентлагийн онцгой зөвшөөрөлтэйгөөр ашиглав
Америкийн Нэгдсэн Улс(АНУ)-ын тусгаар тогтнолын 250 жилийн ой энэ онд тохиож байна.
Уг ойг жилийн турш тэмдэглэн өнгөрүүлэх бөгөөд энэ хүрээнд зургаадугаар сарын 6, 7-ны Бямба, Ням гарагт Сүхбаатарын талбайд "Америкийн өдрүүд: Тусгаар тогтнолын 250 жилийн ой" баярын арга хэмжээ болох гэж байна.
Хөтөлбөр:
- Зургаадугаар сарын 6-ны Бямба гарагт хөгжмийн тоглолт, Спайдермэн комик фэст парад, Америк бүргэдчиний үзүүлбэр, мөн оройдоо "Sound of America" концерт болох бөгөөд Монголын хөгжимчид болон АНУ-ын Наймдугаар армийн хамтлаг тоглоно. Үдшийн хөтөлбөр Ди-Жэй сетээр үргэлжлэн 21:30 цагт өндөрлөнө.
- Зургаадугаар сарын 7-ны Ням гарагт Улаанбаатар дахь Америкийн Төвөөр үйлчлүүлдэг оюутан болон дадлагажигчдын хамтарсан "Үндэслэгч эцгүүд" илтгэл, Америк хөлбөмбөгийн тэмцээний үзүүлэн, Horse Power киноны үзэх болон бусад олон арга хэмжээ явагдана.
Түүнчлэн хоёр өдрийн туршид зочид 3х3 залуучуудын сагсан бөмбөгийн тэмцээн, АНУ-ын Элчин сайдын яам болон түншүүдийн танилцуулга, Монгол дахь Америкийн худалдааны танхим буюу AmCham-ын бизнес нетворкинг цагт оролцох боломжтой.
Дэлгэрэнгүй мэдээллийг энд дарж авна уу
Эх сурвалж: АНУ-ын Элчин Сайдын Яам
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
