НИТХ ирэх долоо хоногт хуралдаж, хотын даргад нэр дэвшүүлэх тухай асуудлыг хэлэлцэнэ
Нийслэлийн иргэдийн Төлөөлөгчдийн Хурлын Зөвлөлийн хуралдаан болж, Ээлжит бус XII хуралдааныг 2026 оны тавдугаар сарын 26-ны Мягмар гарагийн 11:00 цагаас хуралдуулахаар товложээ.
Хуралдаанаар нийслэлийн Засаг даргад нэр дэвшүүлэх тухай асуудлыг хэлэлцэх юм байна.
Харин Нийслэлийн МАН-ын хорооны тавдугаар сарын 25-ны Даваа гарагт хуралдаж, нийслэлийн Засаг даргад нэр дэвшигчийг тодруулахаар болоод байгаа билээ.
Нийслэлийн МАН-аас тодруулсан нэр дэвшигчийг НИТХ хэлэлцэн Ерөнхий сайдад уламжилснаар хотын даргыг чөлөөлснөөс хойш 15 хоногийн дотор дараагийн хүнийг томилох хуультай байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
