Өсөлтөд хөтлөх БИЗНЕСИЙН ЗЭЭЛ

 

Капитрон банк нь жижиг, дунд бизнес эрхлэгчид болон аж ахуйн нэгж байгууллагуудын бизнесээ өргөжүүлэх, инновац болон технологийн шинэчлэлийг түргэтгэх, шинэ бүтээгдэхүүн, үйлчилгээний зах зээлд нэвтрэх боломжийг өргөжүүлэх зэрэг бизнесийн өсөлтөд чиглэсэн санхүүгийн шийдэл бүхий “Бизнесийн зээлийн аян”-аа эхлүүллээ.

Зээлийн аян 2026 оны 05 дугаар сарын 12-ноос 06 дугаар сарын 30-ны өдрийг дуустал үргэлжлэх бөгөөд аяны хүрээнд төгрөг болон ам.долларын бизнесийн зээлийг хамгийн бага хүүтэй, уян хатан нөхцөлөөр олгож байна. Мөн зээлийн хүсэлтийг онлайнаар хүлээн авч, түргэн шуурхай шийдвэрлэх боломжийг бүрдүүлснээр бизнес эрхлэгчид санхүүгийн хэрэгцээгээ богино хугацаанд шийдвэрлэн, үйл ажиллагаагаа тасралтгүй өргөжүүлэх боломжтой.      

Та өөрийн бизнесийн онцлогт тохирох зээлийн хүсэлтээ яг одоо ОНЛАЙНААР илгээгээрэй.

• Эргэлтийн хөрөнгийн зээл: Жижиг, дунд бизнес эрхлэгч аж ахуйн нэгж, байгууллагын өдөр тутмын үйл ажиллагааны эргэлтийн хөрөнгийг нэмэгдүүлж, бизнесээ тогтвортой өргөжүүлэхэд зориулсан зээл.    
• Хөрөнгө оруулалтын зээл: Үйлдвэрлэл, үйлчилгээний үйл ажиллагаагаа өргөжүүлэхээр техник, технологи болон тоног төхөөрөмж худалдан авах хүсэлтэй иргэд, аж ахуйн нэгжүүдэд зориулсан зээл.  
• Тоног төхөөрөмжийн зээл: Капитрон банктай хамтран ажиллах гэрээт байгууллагуудын нийлүүлж буй тоног төхөөрөмжийг худалдан авахад зориулсан зээл.
• Зээлийн шугам: Бизнесийн үйл ажиллагааны эргэлттэй холбоотой үүсэх богино хугацааны санхүүгийн хэрэгцээг уян хатан нөхцөлөөр шийдвэрлэх боломжтой зээл.
• Шинэ автомашин худалдан авах зээл: Капитрон банктай хамтран ажилладаг гэрээт байгууллагуудын борлуулж буй шинэ автомашин худалдан авахад зориулсан зээл.   

Капитрон банк нь жижиг, дунд бизнес эрхлэгчид болон аж ахуйн нэгжүүдийн өсөлт хөгжлийг бодитоор дэмжиж, шаардлагатай санхүүжилтийг оновчтой шийдлээр хүргэх замаар улсын эдийн засагт жижиг, дунд үйлдвэрлэлийн үнэ цэнийг нэмэгдүүлж, ажлын байр бий болгоход бодит хувь нэмэр оруулсаар байна.

Бид бизнесийг зөвхөн санхүүгийн дэмжлэгээр хангах бус бизнесийн өсөлтийн хурдыг нэмэгдүүлэх, өрсөлдөх чадварыг бэхжүүлэх, ирээдүйн тогтвортой хөгжлийн бат бөх суурийг хамтдаа бүтээхэд чиглэсэн үр дүнтэй шийдэл, итгэлцэлд суурилсан урт хугацааны түншлэлийг тууштай хөгжүүлэхэд түүчээлэн ажиллах болно.   

Аяны талаарх дэлгэрэнгүй мэдээллийг Капитрон банкны өөрт ойр салбар нэгж, албан ёсны цахим сувгууд болон Харилцагчийн мэдээллийн төвийн 1800-2020 дугаараас авах боломжтой.

 

Өнөд дэвжих өсөлтийн түүчээ – 25 жил