Энэ жилийн бүргэдийн баярыг ДАШТ болгон зохион байгуулахаар болжээ
Казах түмний бүргэдээр ан хийлгэх уламжлал, зан заншлыг сэргээх, хойч үеийнхэнд өвлүүлэн үлдээх, олон улсад сурталчлан таниулах зорилгоор жил бүр уламжлал болгон бүргэдийн баяр зохион байгуулагддаг.
Энэ жил уг арга хэмжээг өргөжүүлэн анх удаа Дэлхийн Аварга Шалгаруулах Тэмцээн(ДАШТ) болгон зохион байгуулна хэмээн Нийслэлийн Аялал Жуулчлалын Газраас мэдээллээ.
Бүргэдийн баяр ирэх сарын 7-8-ны амралтын өдрүүдэд Чингис Хааны Хүрээ аялал жуулчлалын цогцолборт 20 дахь жилдээ болно.
Өнгөрсөн жилийн бүргэдийн баярт Баян-Өлгий, Төв, Сэлэнгэ, Архангай аймгаас нийт 22 бүргэдчин, Казахстан, Киргизстан улсаас төлөөлөл оролцжээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
