"Улаанбаатар хот руу тарвага тээвэрлэвэл ₮300 мянгаар торгож, ₮820,000-ын нөхөн төлбөр авна"
Энэ оны арваннэгдүгээр сарын 20-ны өдрийг хүртэлх хугацаанд нийслэлийн хэмжээнд 135 иргэн 515 бодгаль агнуурын амьтан, тэдгээрийн гаралтай эд эрхтнийг агнах, барихыг хориглосон хугацаанд агнаж тээвэрлэсэн, худалдан борлуулсан, худалдан авсан зөрчил илэрчээ.
НБОГ-аас мэдээлснээр 112 удаагийн үйлдлээр хураагдсан 287 бодгаль тарвага, тэдгээрийн гаралтай эд, эрхтнийг, 222 амьтан, тэдгээрийн гаралтай эд эрхтнийг устгуулахаар Зоонозын өвчин судлалын үндэсний төвд устгуулахаар шилжүүлжээ.
Зөрчил гаргасан иргэдэд 50.1 сая төгрөгийн торгууль, 369.2 сая төгрөгийн нөхөн төлбөр тавьсан байна.
2023 онд Засгийн газрын тогтоолоор нэг бодгаль монгол тарвагын экологи-эдийн засгийн үнэлгээг 410,000 төгрөгөөр тогтоожээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
