Монголыг гадаадад сурталчлах зорилгоор CNN, Edelman, Fulham клубтэй байгуулсан гэрээний зардлын эх үүсвэрийг шалгаж эхэлжээ
Засгийн газрын Хяналт хэрэгжүүлэх газраас Монгол Улсыг олон улсад сурталчлах ажлын хүрээнд байгуулсан зарим гэрээний хэрэгжилт, үр дүн, хууль тогтоомжийн нийцэлд хяналт шалгалт хийх ажлын хэсэг байгуулан ажиллаж байна.
Хяналт шалгалтаар “Эдэлман Сингапур” компани, АНУ-ын “Си Эн Эн” агентлаг, ИБУИНХУ-ын “Фүлхэм” хөлбөмбөгийн клубтэй байгуулсан гэрээ, хамтын ажиллагааны хэрэгжилт, үр дүнг шалгах аж.
Түүнчлэн дээрх байгууллагуудтай байгуулсан шийдвэр, зардлын эх үүсвэр, зарцуулалт, худалдан авалт, санхүүгийн тайлангийн хууль, тогтоомжийн нийцэл зэргийг шалгана.
Хяналт шалгалтын үр дүнг Засгийн газар дахь Хяналтын тухай хуулийн дагуу олон нийтэд нээлттэй мэдээлэх аж.
Эх сурвалж: Засгийн газрын Хяналт хэрэгжүүлэх газар
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
