Аавтайгаа хамт намрын чуулганыг нээлцсэн гишүүд
Монгол Улсад байнгын ажиллагаатай парламент байгуулагдсаны 35 жилийн ойг тохиолдуулан УИХ-ын намрын чуулганы нээлтэд үе үеийн спикерүүдийг урьж оролцуулав.
Тэдний дундаас Р.Гончигдорж, Н.Энхбаяр нарын хүүхдүүд энэ удаагийн парламентад гишүүнээр сонгогдон ажиллаж. Өөрөөр хэлбэл, УИХ-ын гишүүн Э.Батшугар, Г.Уянгахишиг нар аавуудтайгаа Монгол Улсын Их Хурлын 2025 оны намрын ээлжит чуулганыг нээв.
УИХ-ын гишүүн Г.Уянгахишигийн аав Р.Гончигдорж 1990-1992 онд Улсын бага хурлын дарга, 1996-2000 оны парламентад УИХ-ын даргаар ажиллаж байсан бөгөөд нийт таван удаа УИХ-ын гишүүнээр сонгогдож байжээ.
Харин Э.Батшугар гишүүний аав Н.Энхбаяр 1992-2008 оны хооронд нийт дөрвөн удаа парламентад сонгогдож, 2004-2008 онд УИХ-ын дэд даргаар ажиллаж байжээ.
Мөн Монгол Улсын Ерөнхийлөгч, Ерөнхий сайдаар ажиллаж байсан юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
