Mind Rush шилдэг анги болоод хүссэн бэлгээ ав

Юнител группийн зүгээс ЕБС-ийн сурагчдын дунд зохион байгуулж буй "Mind Rush" мэдлэг, чадвараараа өрсөлдөх асуулт хариултын тэмцээний 2-р үе эхэллээ. Сурагчдын хичээлээс гадуурх чөлөөт цагийг зугаатай бөгөөд хамт олноороо үр дүнтэй өнгөрүүлэх зорилготой энэхүү тэмцээнд 21 аймгийн 8-12-р ангийнхан оролцох боломжтой юм. Мөн Toki апп-ын тусламжтай өдөр бүр 5 асуултад хариулж, оноогоо цуглуулаад шилдэг анги болохын төлөө дахин нэг өрсөлдөөрэй.

 

Mind Rush асуулт хариултын тэмцээний эхний үеийн ялагчид Өвөрхангай аймгаас тодорсон бөгөөд Арвайхээр хотын 1-р сургуулийн Нямсүрэн багштай 8В анги болон М.Балгармаа багштай 11Д ангиуд шилдэг анги болсон билээ. Үеийн найзуудаа мэдлэг ур чадвар, авхаалж самбаагаараа манлайлсан энэхүү сурагчид нь Mind Rush-д байрлах бэлгийн цэснээс хүссэн сонголтоо хийж, өөрт хэрэгцээтэй бэлгүүдийн эзэн болж чадсан юм. Мөн Mind Rush-ын тухай илүү сонирхолтой мэдээлэл авахыг хүсвэл ЭНД даран аваарай.

 

Энэхүү тэмцээнд аль ч операторын дугаараар бүртгүүлээд өрсөлдөж болдог гэдгээрээ давуу талтай юм. Төгсгөлд нь нэгэн нууц дэлгэхэд Юнителийн дугаараараа Mind Rush-д оролцвол асуултад хариулах үедээ 50/50%-ийн боломж ашиглаж эрхтэй юм шүү. Мөн шилдэг анги тодруулахаас гадна хувийн оноогоороо тэргүүлж буй сурагчдыг ч бас шалгаруулан бэлэг өгөх юм. Тиймээс Mind Rush асуулт хариултын тэмцээнд оролцож буй багууд болон сурагчдадаа амжилт хүсье.