ФОТО: Нийслэлийн мега төслүүдийн талаарх эхний өдрийн сонсголд хотын дарга асан Х.Нямбаатарыг дуудсангүй
"Нийслэлийн 2024-2026 оны төсвийн зарцуулалт, хөрөнгө оруулалтын төслүүдийн хэрэгжилт холбогдох хууль тогтоомжид нийцсэн байдал" ерөнхий хяналтын сонсгол Төрийн ордонд зохион байгуулагдаж байна.
Энэ удаагийн сонсголоор Х.Нямбаатарыг нийслэлийн засаг даргаар томилогдсоноос хойших хугацааны төсвийн зарцуулалтын мэдээллийг сонсож байгаа юм. Хоёр өдрийн турш үргэлжлэх ерөнхий хяналтын сонсголыг УИХ-ын гишүүн Ж.Золжаргал ахалж байгаа.
Сонсголоор төрийн байгууллагуудын мэдээллийг сонсож, албан тушаалтны үйл ажиллагаанд илэрсэн зөрчил дутагдлыг арилгах асуудлаар холбогдох байгууллагад чиглэл өгөх, хууль эрх зүйн орчинд засаж сайжруулах шаардлагатай зүйл байгаа талаар санал дүгнэлт гаргах үндсэн зорилготой аж.
Өнөөдрийн сонсголд төрийн байгууллагын 60 гаруй албан хаагч ирж, нийслэлийн 2024-2026 оны төсвийн зарцуулалтын талаар мэдээлэл өгч байна. Мөн иргэний нийгмийн байгууллагын төлөөлөл 17 хүн сонсголд хүрэлцэн иржээ.
Түүнчлэн хотын шинэ дарга Б.Пүрэвдагва сонсголд ирж, Нийслэлийн 2024-2026 оны төсөв сэдвээр илтгэл танилцууллаа. Харин хотын дарга асан Х.Нямбаатар ерөнхий хяналтын сонсголд дуудсангүй.
ФОТО:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
