ВИДЕО: Есдүгээр сарын 14-нд ашиглалтад орох Таван шарын төмөр замын доогуурх нүхэн гарцаар тээврийн хэрэгсэл зорчих заавар
iKon.MN
Нийслэлийн Сонгинохайрхан дүүргийн нутаг дэвсгэрт байрлах Таван шарын төмөр замын доогуурх нүхэн гарцын авто замын хөдөлгөөнийг энэ сарын 14-нд нээхээр болоод буй.
Харин 10.2 метр өргөн хос туннелэн гарцыг бүхэлд нь аравдугаар сард ашиглалтад оруулах юм байна. Ингэснээр Сонгинохайрхан дүүрэг төдийгүй Яармаг орчмын авто замын түгжрэл 8-16 хувиар буурна гэж тооцоолжээ.
Нүхэн гарцаар тээврийн хэрэгсэл хэрхэн зорчих талаарх бичлэгийг ЭНД дарж үзнэ үү.
https://www.facebook.com/iKonNews/videos/543659138038522
- Нөхөрлөлийн гудамжны авто замаас Таван шар чиглэлийн хөдөлгөөн төмөр замын урд талаар нүхэн гарцын дээгүүр гол замтай огтлолцохгүйгээр дамжин өнгөрнө.
- 22-ын товчооны замаас Таван шар чиглэлийн хоёр урсгалтай авто замын хөдөлгөөн нь өөр түвшинд огтлолцоно. Төмөр замын гармаар дамжихгүй, уг нүхэн гарцаар өнгөрнө.
- Найрамдлын замаас Таван шар чиглэлийн хөдөлгөөн төмөр замын хойд талаар, нүхэн гарцын дээгүүр дамжина.
- Зарим зүүн эргэлтийн хөдөлгөөнийг Товчооны замд шинээр хийсэн буцах эргэлт болон Таван шарын буцах эргэлтээр зохицуулна гэж Улаанбаатар хотын авто замын түгжрэлийг бууруулах нэгдсэн төсөл хэрэгжүүлэх нэгжээс танилцууллаа.
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
