Баянгол дүүргийн 19 дүгээр хороонд нурах эрсдэл үүссэн түшиц ханыг засварлаж байна
Баянгол дүүргийн 19 дүгээр хороонд байрлах 61 дүгээр байрны урд талын түшиц хана болон явган хүний замыг засаж, шинэчлэх ажлыг эхлүүлсэн байна.
Уг түшиц хана нь 1971 онд ашиглалтад орсон учраас хуучирч муудан, хоёр талд нь байрлах угсармал бетон шатыг холбосон явган хүний зам нь цөмөрч, хагарчээ. Улмаар иргэд зорчих боломжгүй болоод байсан юм.
Түүнчлэн 61 дүгээр байрны ойролцоох авто замаар шөнийн цагт хүнд даацын автомашин зорчдог тул түшиц хананд чичиргээ өгч, нурах эрсдэл үүсгэжээ. Тиймээс уг түшиц ханыг дүүргийн төсвийн хөрөнгө оруулалтаар наймдугаар сарын 25-ны өдөр гэхэд засварлаж дуусгахаар ажиллаж байна. Энэхүү засварын ажлыг хийж гүйцэтгэснээр түшиц хана дээгүүр явган зорчигчид, тэр дундаа хөгжлийн бэрхшээлтэй иргэд аюулгүй зорчих боломжтой болно.
Засварын ажлын үеэр авто замын хөдөлгөөнд түр хугацаанд өөрчлөлт оруулах аж.
Эх сурвалж: Нийслэлийн сургалт, судалгаа, олон нийттэй харилцах газар
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
7 СЭТГЭГДЭЛТЭЙ
|
