ФОТО: "Монгол төрийн тамга" хөшөөний суурийг шинэчлэхээр нураажээ
Төрийн ордны хойд талын цэцэрлэгт хүрээлэнд байрлах "Монгол төрийн тамга" хөшөөний суурийг өнөөдөр нураалаа.
Нийслэлийн засаг даргын хэвлэлийн төлөөлөгчийн мэдээлж буйгаар "Улаанбаатар хотын захирагчийн ажлын албанаас тус хөшөөний суурийг бэхжүүлж, шинэчлэх үүднээс нураасан. Засварын ажил дуусмагц хөшөөг буцаан байрлуулна" гэв.
"Монгол төрийн тамга" хөшөөг тухайн байрлалд 2006 онд сүндэрлүүлсэн юм. Их Монгол улс байгуулагдсаны 800 жилийн ойн хүрээнд 2006 онд Их эзэн Чингис хааны хөшөө, Төрийн ёслол, хүндэтгэлийн өргөө цогцолборын бүрэлдэхүүн хэсэг болгон “Монгол төрийн тамганы хөшөө”-г Төрийн ордны хойд талын цэцэрлэгт босгосон.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
