ХУУЧИРСАН МЭДЭЭ: 2021/10/06-НД НИЙТЛЭГДСЭН
Шүүхээс иргэн Д.Монголхүүг нэн даруй суллахыг прокурорт даалгажээ
iKon.MN
Гэрэл зургийг mpa.mn
Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхэд Нийслэлийн прокурорын газраас иргэн Д.Монголхүүд цагдан хорих таслан сэргийлэх арга хэмжээ авах тухай санал ирүүлснийг өнөөдөр хэлэлцсэн байна.
Шүүхээс эрүүгийн хэрэг хянан шийдвэрлэх ажиллагаанаас оргон зайлахыг завдсан гэх үндэслэл тогтоогдохгүй байна гэж үзэн түүнийг нэн даруй суллахыг прокурорт даалгаж шийдвэрлэжээ.
Нийслэлийн прокурорын газраас Эрүүгийн хэрэг хянан шийдвэрлэх тухай хуулийн 14.9 дүгээр зүйлийн 1 дэх хэсгийн 1.1 дэх заалтад заасан “...эрүүгийн хэрэг хянан шийдвэрлэх ажиллагаанаас оргон зайлахыг завдсан...” гэх үндэслэлээр Д.Монголхүүд цагдан хорих таслан сэргийлэх арга хэмжээ авах тухай санал ирүүлсэн байна.
Тэгш эрхийг шаардан, үзэл бодлоо илэрхийлж буй NoDoubleStandart хөдөлгөөнийг зохион байгуулагчдын нэг Д.Монголхүүг өчигдөр баривчилсан тухай мэдээлсэн билээ.
