2021/12/02
Америк доллар
МОНГОЛ БАНК:
2,849.32₮
B30
УЛААНБААТАР
-3°
|
-14°
B30
УЛААНБААТАР
-2°
|
-14°
B30
УЛААНБААТАР
-7°
|
-13°
12:00
S31
-9°
13:00
S31
-10°
14:00
S31
-10°
15:00
S31
-10°
16:00
S31
-11°
17:00
S31
-11°
18:00
S31
-11°
19:00
S31
-11°
20:00
S31
-11°
21:00
S31
-12°
22:00
S31
-12°
23:00
S31
-13°
Энэ мэдээ хуучирсан буюу 2021/09/21 -нд нийтлэгдсэн мэдээ болно.

Ц.Эрдэнэбаяр: БНХАУ-аас авах шатахууны үнэ ОХУ-ынхтай адилхан байна

Б.Даваабазар, iKon.mn
2021 оны 9 сарын 21
iKon.MN
Зураг
Гэрэл зургийг MPA.mn

Шатахууны асуудлаар холбогдох байгууллагууд мэдээлэл хийх үеэр сэтгүүлчдийн асуултад хариуллаа. 

- Хэчнээн вагон гацсан байгаа вэ? 

УУХҮ-ийн сайд Г.Ёндон: ОХУ гэрээний дагуу 28 мянган тонн шатахуун өгөх ёстой ч бүрэн нийлүүлэх боломжгүй тул  17 тонныг өгнө гэсэн. Иймд шатахууны хэрэглээг хэвийн хэмжээнд байлгахын тулд БНХАУ-ын талтай гэрээ хийсэн. Мөнгийг нь төлж, гэрээ хийгээд хүлээж буй 1,037 вагон АИ-92 авто бензин БНХАУ-д бий.  Өөрөөр хэлбэл, сар гаруйн хэрэглээний шатахууны мөнгийг манай улсын ААН-үүд төлөөд гэрээгээ баталгаажуулчихсан байгаа. Одоо зөвхөн ачигдахыг нь л хүлээж байна.

-Шатахууны татан авалтаа өмнө нь сайн хийж чадсан уу?

-Өмнө нь шатахууны татан авалт хангалттай хийсэн. Талууд гэрээний үүргээ харилцан хүлээгээд явдаг заалттай. Яам, газрын тос импортлогч компанийн төлөөллүүд өнөөдөр ОХУ-руу холбогдох уулзалт хийхээр явсан. Өнөөдрийн байдлаар хязгаарлалт хийсэн бөгөөд эхний вагон орж иртэл (5-7 хоног) сунгана. 

-Хоёр улсаас авч буй шатахууны үнийн хувьд ялгаа байгаа юу?

Ашигт малтмал газрын тосны газрын дарга Ц.Эрдэнэбаяр: Улсын хэмжээнд шатахууны 16 хоногийн нөөцтэй болж буурсан. Яагаад гэвэл гаднаас орж ирэх импортын шатахууны хэмжээ багасаад, дотоодод борлуулалтын хэмжээ хэвийн явж байгаа. Үнийн хувьд зөрүү гарахгүй. БНХАУ-аас авах шатахууны үнэ ОХУ-аас авдаг үнэтэй адилхан байна. Мөн БНХАУ-аас авч байгаа шатахууны хувьд евро тав ангиллын стандарттай. Зарим газруудад шатахууны борлуулалт хэвийн байна. 

- Өнгөрсөн долоо хоногт шатахууны үнэ өсөхгүй гэчихээд яагаад өсөж байгаа вэ гэдэг дээр хариулт өгнө үү?

- Өнөөдрийг хүртэл АИ-92 авто бензиний үнэ нэмэгдээгүй. Харин АИ-95 авто бензиний үнийг зарим ААН 100 төгрөгөөр нэмсэн. Үүнтэй холбоотойгоор  ААН-д өнгөрсөн долоо хоногт шаардлага хүргүүлсэн. Өнөөдрөөс АИ-95 авто бензиний үнэ буцаад буурсан байх ёстой. Холбогдох шаардлагыг тавьж, дэмжих зүйл дээр ААН дэмжээд явна.

“Роснефть”  компани болон ААН хоорондын гэрээгээр ААН худалдан авалт хийгээгүй, эсвэл нийлүүлэгч тал нийлүүлэх хэмжээндээ  нийлүүлээгүй тохиолдолд мөнгөн торгуультай. Иймд "Роснефть" компани есдүгээр сард шатахууныг нийлүүлэлтийн хэмжээнд хүргээгүй учраас ААН-д мөнгөн торгууль төлнө.

БИЧЛЭГ: 

https://www.facebook.com/iKonNews/videos/945940779289782

 

x