2021.01.22: 8 тохиолдол шинээр бүртгэгдэж, улсын хэмжээнд батлагдсан тохиолдол 1,592 боллоо
Эрүүл мэндийн яамнаас коронавируст халдварын нөхцөл байдлын талаар танилцуулж байна.
ШУУД ҮЗЭХ: /2021.01.22/ (Бичлэг харагдахгүй бол ЭНДЭЭС үзэх боломжтой)
ХӨСҮТ-ийн Тандалт, судалгааны албаны дарга А.Амбасэлмаа “Өчигдөр улсын хэмжээнд нийтдээ 15,546 хүний сорьцод шинжилгээ хийхэд найман хүнээс коронавирус илэрлээ. Шинээр илэрсэн найман тохиолдлын нэг нь ХӨСҮТ-ийн эмч бол үлдсэн 7 нь халдвартай хүнтэй ойрын хавьтал болсон иргэд байна.
Монгол Улсад бүртгэгдсэн нийт тохиолдол 1,592 боллоо. Өнөөдрийн байдлаар нийтдээ 483 хүн эмчлэгдэж байна.
Тэдгээр хүмүүсийн биеийн байдлын үнэлбэл,
- Хөнгөн-413
- Хүндэвтэр-61
- Хүнд-7
- Маш хүнд-2 хүн байна” гэсэн мэдээлэл өглөө.
Эрүүл мэндийн яамны ахлах шинжээч Д.Нарангэрэл “Коронавируст халдвар гарсан газарт ЗӨСҮТ-ийн голомтын хариу арга хэмжээний баг нийслэлийн 9 объектод 955 метр квадрат талбайд ариутгал, халдваргүйжилт хийлээ.
Мөн ЗӨСҮТ-ийн Авто лаборатори Өмнөговь аймгийн Гашуун сухайт боомтын тээврийн 102 жолоочид шинжилгээ хийхэд бүгд сөрөг гарсан” гэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
