Манай улсад босоо монгол бичгийг ЕБС-ийн дунд ангид буюу зургаадугаар ангиас эхлэн үздэг. Харин өдөр тутмын хэрэглээнд байдаггүй. Тиймээс хуучин монгол бичгээ сэргээх талаар иргэдийн байр суурийг сонссон юм.
- Үндэсний бичгээ сэргээсэн нь дээр гэж бодож байна. Хэдэн мянган жилийн түүхтэй бичгийг устгаад хэрэггүй.
- Хятадууд монгол бичгийг устгах гээд байна. Бид сэргээхгүй бол өөр сэргээх улс гүрэн байхгүй. Бид сэргээн хэрэглэх ёстой.
- Манай үндэсний эрх ашиг учир хуучин монгол бичгийг сэргээх нь зүйтэй. Монгол хүн болгон хэл соёлоо дээдэлж, хүндэлэх ёстой.
- Тиймээс монгол бичгийг хүн болгон хэрэглэдэг болгохын тулд ном, сонин, сэтгүүл, комикс гаргах хэрэгтэй.
- Бидний өдөр тутмын хэрэглээнд байхгүйгээс ашиглахгүй байна.
- Монгол бичгийг бага болон дунд ангид оруулах хэрэгтэй.
- Өвөрмонголчууд өөрсдийн хэл бичгийн төлөө тэмцэл хийж байгаа нь зөв. Тэд уйгуржин монгол бичгээ авч үлдсэнээр хэлний аялгуу нь хүртэл бичгийн аялгуугаараа байна.
- Манай улсын хувьд янз бүрийн гадаад хэл гэж байхаар үндэсний хэл бичгээ сэргээмээр байна.