2020/09/26
Америк доллар
МОНГОЛ БАНК:
2,853.64₮
B30
УЛААНБААТАР
12°
|
B30
УЛААНБААТАР
11°
|
B30
УЛААНБААТАР
10°
|
11:00
S32
12:00
S32
10°
13:00
S32
11°
14:00
S32
11°
15:00
S32
11°
16:00
S32
11°
17:00
S32
10°
18:00
S32
19:00
S31
20:00
S31
21:00
S31
22:00
S31
Энэ мэдээ хуучирсан буюу 2020/07/02 -нд нийтлэгдсэн мэдээ болно.

У.Хүрэлсүхийг Монгол Улсын 31 дэх Ерөнхий сайдаар томиллоо

А.Төгөлдөр, iKon.mn
2020 оны 7 сарын 2
iKon.MN
Зураг
Гэрэл зургийг mpa.mn /2020.07.02/
эрэмбэлэх:   шинэ нь эхэнд хуучин нь эхэнд

11:40 2020/07/02

ШУУД ҮЗЭХ: 

https://www.facebook.com/iKonNews/videos/1697261717091332/

УИХ-ын гишүүд асуулт асууж, үг хэлж дууссанаар Монгол Улсын Ерөнхий сайдаар У.Хүрэлсүхийг томилох асуудлаар санал хураалт явууллаа. 

Санал хураалтад 71 гишүүн оролцсоноос 70 гишүүн гар өргөн дэмжив. Ерөнхий сайдыг томилох санал хураалтад оролцсон 71 гишүүнээс эсрэг кноп дарсан цорын ганц гишүүн нь Б.Пүрэвдорж байлаа. 

Ийнхүү У.Хүрэлсүх УИХ-ын гишүүдийн 98.5 хувийн саналаар Монгол Улсын Ерөнхий сайдаар улиран сонгогдлоо. 

Ингэснээр У.Хүрэлсүх нь Монгол Улсын 31 дэх Ерөнхий сайд болж байна. 1990 оноос хойш улиран ажиллаж буй хоёр дахь Ерөнхий сайд болж байгаа юм. Өмнө нь С.Баяр улиран Ерөнхий сайд болж байсан бол Ц.Элбэгдорж нь дунд нь завсартайгаар Ерөнхий сайдын албыг хашиж байсан билээ.

График 1, 1990 оноос хойших Ерөнхий сайд нарын ажилласан хоног:

09:39 2020/07/02

УИХ-ын Анхдугаар чуулган Ерөнхий сайдыг томилох асуудлаар үргэлжилж байна. Өмнөх хуралдаануудаар УИХ-ын дарга, дэд дарга, Байнгын хороодын гишүүдийг томилсон билээ. 

Монгол Улсын Ерөнхий сайдыг томилох саналыг Монгол Улсын Ерөнхийлөгчийн Тамгын газрын дарга Ө.Шижир танилцуулсан бол Төрийн байгуулалтын байнгын хорооны санал дүгнэлтийг УИХ-ын гишүүн Н.Энхболд танилцуулав. 

Хэлэлцэж буй асуудалтай холбогдуулан гишүүд асуулт асуув. 

УИХ-ын гишүүн Н.Алтанхуяг: Ерөнхий сайд бөгөөд дахин Ерөнхий сайд болох гэж байгаа У.Хүрэлсүхээс хууль журам мөрдөгддөг нийгэмд амьдармаар байна. 

Сая Эрдэнэтэд нэр дэвшээд олон хүнтэй уулзаж явахад шүүхийн шийдвэр хэрэгжихгүй байна. Үүнийг намын дарга, Ерөнхий сайд анхаарч ажиллаач. Намын харъяаллаар ажлаас халагдсан хоёр хүн Эрдэнэтэд байгаа. Энэ хүмүүсийг шүүхийн шийдвэрээр буцаагаад ажилд нь авах уу. 

Ерөнхий сайдад нэр дэвшигч У.Хүрэлсүх: Монголд хууль хэрэгждэг нийгэм байх ёстой гэж ойлгож байгаа. Гаргасан хууль дүрэм хэрэгжихгүй байгаа бол хэрэгжүүлэх ёстой. Хууль хэрэгждэг болохын төлөө ажиллана. 

УИХ-ын гишүүн Н.Алтанхуяг: Ерөнхий, бөөрөнхий, лоозонгийн шинжтэй зүйл би сонсохгүй шүү. 

УИХ-ын гишүүн Б.Пүрэвдорж: Намаа удирдаж УИХ-д олонх болсон танд баяр хүргэж. Монголын эдийн засаг түүхэнд байгаагүйгээр агшлаа. Эдийн засгийн сэргээх чиглэлд ямар ажил хийх вэ. Монгол Улс Хар, Саарал жагсаалтаас хэзээ гарах вэ.  
Ханшийн асуудал байна. Өнөөдрийн байдлаар ханш 2,820 болж 40 хувиар суларлаа. Үүнтэй яаж тэмцэх вэ. 

Төсөвт тодотгол хийх шаардлагатай болоод байна. Хэзээ хийх вэ.  

Ерөнхий сайдад нэр дэвшигч У.Хүрэлсүх: Засгийн газар байгаа боломждоо тааруулж ажлаа хийж байгаа. Цаашдаа ч ингэж ажиллана. Төсвийн тодотгол хийнэ. Бэлтгэж байгаа. Саарал жагсаалтаас гарна. Хар тамхитай холбогдсон хүмүүст арга хэмжээ авсан. 

Ерөнхий сайдад нэр дэвшигч У.Хүрэлсүх: Бид сөрөг хүчинтэйгээ хамтарч ажиллана. Бид дайсан биш. Ардчилсан намтай хамтарч ажиллаж байсан. Цаашид ч хамтарч ажиллах болно. 

Нөхдүүдийнхээ шүүмжлэлийг хүлээж авна, хүндэтгэлтэй хандана. Харин доромжлуулахгүй гэдгээ хатуу хэлье. 



Нэр дэвшигчийн танилцуулга:

Ерөнхий сайдад нэр дэвшигч Ухнаагийн Хүрэлсүх нь 1985 онд нийслэлийн 10 жилийн 2 дугаар дунд сургууль, 1999 онд Батлан хамгаалахын их сургуулийг улс төр судлаач, 1994 онд Төрийн захиргаа, удирдлагын хөгжлийн институтийг төрийн удирдлагын арга зүйч, 2000 онд МУИС-ийн Хууль зүйн сургуулийг эрх зүйч мэргэжлээр тус тус төгссөн.

Тэрбээр 1989-1990 онд Монголын Ардын Армийн 152 дугаар ангид улс төрийн орлогч, 1991-1994 онд МАХН-ын Төв Хороонд улс төрийн ажилтан, 1994-1996 онд УИХ дахь МАХН-ын бүлгийн ажлын албанд зөвлөх, 1996-1997 онд МАХН-ын “Залуучууд хөгжил” төвийн ерөнхий захирал, 1997-1999, 2000-2005 онд Монголын ардчилсан социалист залуучуудын холбооны ерөнхийлөгч, 1999-2000 онд УИХ дахь МАХН-ын бүлгийн ажлын албанд зөвлөх, 2000-2007 онд МАХН-ын Удирдах зөвлөлийн гишүүн, 2007 оноос Монголын зүүний хүчний Холбооны ерөнхийлөгчөөр ажиллажээ.

Улмаар 2000-2004, 2004-2008 онд Монгол Улсын Их Хурлын гишүүн, 2004-2006 онд Монгол Улсын Засгийн газрын гишүүн, Онцгой байдлын асуудал эрхэлсэн Монгол Улсын сайд, 2006-2008 онд Монгол Улсын Засгийн газрын гишүүн, Мэргэжлийн хяналтын асуудал эрхэлсэн Монгол Улсын сайд, 2008-2012 онд МАН-ын Ерөнхий нарийн бичгийн дарга, 2012-2013 онд Монгол Улсын Их Хурлын гишүүн, 2014-2015, 2016-2017 онд Монгол Улсын Засгийн газрын гишүүн, Монгол Улсын Шадар сайдаар ажиллаж байв.

2017 оноос Монгол Улсын Ерөнхий сайд, Монгол Ардын Намын даргаар ажиллаж, 2020 оны ээлжит сонгуулиар Монгол Улсын Их Хурлын гишүүнээр дахин сонгогдоод байна.

x