2019/07/22
Америк доллар
МОНГОЛ БАНК:
2,661.76₮
B30
УЛААНБААТАР
21°
|
17°
B30
УЛААНБААТАР
20°
|
15°
B30
УЛААНБААТАР
22°
|
15°
13:00
S40
18°
14:00
S40
16°
15:00
S40
14°
16:00
S40
15°
17:00
S40
15°
18:00
S40
15°
19:00
S40
15°
20:00
S40
15°
21:00
S40
14°
22:00
S40
14°
23:00
S40
14°
00:00
S26
14°
Энэ мэдээ хуучирсан буюу 2019/04/25 -нд нийтлэгдсэн мэдээ болно.

Монгол Улсын Ерөнхийлөгч Х.Баттулгыг БНХАУ-ын дарга Ши Жиньпин албан ёсоор угтан авлаа

А.Ням-Өлзий, iKon.mn
2019 оны 4 сарын 25
iKon.MN

Монгол Улсын Ерөнхийлөгч Х.Баттулгын БНХАУ-ын дарга Ши Жиньпиний урилгаар тус улсад хийж буй Төрийн айлчлал хоёр дахь өдрөө үргэлжилж байна.

Өнөөдөр Монгол Улсын Ерөнхийлөгч Х.Баттулгыг БНХАУ-ын дарга Ши Жиньпин Бүх Хятадын Ардын Төлөөлөгчдийн Их Хурлын ордонд угтах ёслол боллоо.  

 
 
 
 
 
 

Монгол Улсын Ерөнхийлөгчийг угтах ёслолын дараа хоёр орны тэргүүнүүд албан ёсны хэлэлцээ хийв.

Энэ үеэр БНХАУ-ын дарга Ши Жиньпин “Ноён Ерөнхийлөгч тантай гурав дахь удаагаа уулзаж байна. Тиймээс бид хуучны найзууд болсон. Манай хоёр орон дипломат харилцаа тогтоосны 70, Найрсаг хамтын ажиллагааны гэрээ байгуулсны 25 жилийн ой тохиож байна. Хятад, Монгол уул усаараа холбогдсон хөршүүд. Бидний энэ удаагийн уулзалт хоёр орны бүхий л салбарын хамтын ажиллагааг шинэ түвшинд хүргэнэ гэдэгт итгэж байна” гэсэн юм.

Харин Монгол Улсын Ерөнхийлөгч Х.Баттулга “БНХАУ-ын дарга Ши Жиньпин таны урилгаар Төрийн айлчлал хийж,  таны санаачилсан “Бүс ба Зам” олон улсын хамтын ажиллагааны чуулга уулзалтад оролцож,  тантай гурав дахь удаагаа уулзаж, 70 жилийн хамтын ажиллагаанд хүрсэн ололт амжилтаа дүгнэж, цаашдын зорилт чиглэлээ тодорхойлоход бидний энэ уулзалт хоёр орны хооронд чухал ач холбогдолтой гэж үзэж байна.

Хамтдаа бүтээх, харилцан ашигтай хамтдаа хөгжих, хамтдаа үр ашгаа хүртэх уриан дор болж буй “Бүс ба Зам” олон улсын хамтын ажиллагааны чуулга уулзалт үр дүнтэй болно гэж найдаж байна. Чуулга уулзалтад амжилт хүсье” гэсэн юм.    

Албан ёсны хэлэлцээ хийсний дараа Монгол Улсын Ерөнхийлөгч Х.Баттулга, БНХАУ-ын дарга Ши Жиньпин нар баримт бичигт гарын үсэг зурах ёслол боллоо.

Монгол Улсын Ерөнхийлөгч Х.Баттулга БНХАУ-д хийж буй Төрийн айлчлалын хүрээнд байгуулсан баримт бичгийн жагсаалт:

  • Монгол Улс, БНХАУ хооронд дипломат харилцаа тогтоосны 70 жилийн ойг тэмдэглэх арга хэмжээний төлөвлөгөө
  • “Хөгжлийн зам” болон “Бүс ба зам”-ын бүтээн байгуулалтыг урагшлуулах тухай Монгол Улсын Засгийн газар болон БНХАУ-ын Засгийн газар хоорондын харилцан ойлголцлын санамж бичиг
  • Монгол, Хятадын үзэсгэлэн зохион байгуулах тухай Монгол Улсын ХХААХҮЯ, БНХАУ-ын Худалдааны яам хоорондын харилцан ойлголцлын санамж бичиг
  • Монгол, Хятадын худалдаа, эдийн засгийн хамтын ажиллагааг хөгжүүлэх дунд хугацааны хөтөлбөрийг шинэчлэн байгуулах ажлыг эхлүүлэх тухай Монгол Улсын Гадаад харилцааны яам, БНХАУ-ын Худалдааны яам хоорондын харилцан ойлголцлын санамж бичиг
  • Монгол Улс дахь итгэмжлэгдсэн аж ахуйн нэгжийн хөтөлбөр, Хятад улс дахь итгэмжлэгдсэн аж ахуйн нэгжийн менежментийн хөтөлбөрийг харилцан хүлээн зөвшөөрөх тухай Монгол Улсын Гаалийн ерөнхий газар болон БНХАУ-ын Гаалийн ерөнхий газар хоорондын тохиролцоо
  • Монгол Улсын Засгийн газар, БНХАУ-ын Засгийн газар хооронд автотээврийн хэлэлцээрийг хэрэгжүүлэх тухай Монгол Улсын ЗТХЯ, БНХАУ-ын Зам тээврийн яам хоорондын протокол
  • Эдийн засаг, техникийн хамтын ажиллагааны тухай Монгол Улсын Засгийн газар, БНХАУ-ын Засгийн газар хоорондын хэлэлцээр
  • Гэр хорооллын дахин төлөвлөлтийн хүрээнд хэрэгжүүлэх төслийн солилцох захидал

Ийнхүү хоёр орны тэргүүнүүд албан ёсны хэлэлцээ хийж, баримт бичигт гарын үсэг зурснаар Ерөнхийлөгч Х.Баттулгын тус улсад хийж буй Төрийн айлчлалын үндсэн хэсэг өндөрлөлөө.

Харин үдээс хойш Монгол Улсын Ерөнхийлөгч Х.Баттулга тус улсын Үндэсний спортын төвд зочилж, Монгол, Хятадын жүдо бөхийн тамирчдын хамтарсан үзүүлэх тоглолтыг сонирхох юм. 

Хоёр орны харилцааны тухайд

Монгол Улс нь БНХАУ-тай 1949 оны аравдугаар сарын 16-нд дипломат харилцаа тогтоож байжээ. Монгол Улс нь тус улстай иж бүрэн стратегийн түншлэлийн харилцаатай бөгөөд 1994 онд хоёр улсын хооронд Найрсаг харилцаа, хамтын ажиллагааны тухай гэрээг байгуулсан юм.

Монгол Улсын Ерөнхийлөгчийн түвшинд 1998, 2004, 2010, 2015 онуудад тус улсад айлчлал хийж байсан бөгөөд Ерөнхийлөгч Х.Баттулгын хувьд БНХАУ-д хийж буй анхны Төрийн айлчлал нь юм.

Хоёр орны худалдааны харилцааны тухайд 2018 оны эцсийн байдлаар 8.4 тэрбум ам.долларт хүрсэн нь өмнөх оны мөн үетэй харьцуулахад 21 орчим хувиар өссөн байна. БНХАУ-тай хийсэн худалдаа нь манай улсын нийт гадаад худалдааны 65.2  хувийг эзэлж байна. Үүнээс БХАНУ-тай хийсэн экспорт 6.5 тэрбум ам.доллар бол импорт 1.9 тэрбум ам.долларт хүрсэн дүнтэй байна.

Түүнчлэн 2018 оны байдлаар Монгол Улсад БНХАУ-ын зүгээс 4.4 тэрбум орчим ам.долларын хөрөнгө оруулалт хийсэн. Монгол Улсад бүртгэлтэй БНХАУ-ын нийт 10 мянга гаруй аж ахуйн нэгж байдаг тухай мэдээллийг тус улс дахь Монгол Улсын Элчин сайдын яамнаас өгсөн.

Хамгийн сүүлд буюу 2017 онд Ерөнхий сайд Ж.Эрдэнэбатын айлчлалын үеэр БНХАУ-ын зүгээс 350 сая юанийн буцалтгүй тусламжийг манай улсад өгсөн бөгөөд ирэх гурван жилд хоёр тэрбум  юанийн буцалтгүй тусламж үзүүлэхээ хятадын тал мэдэгдэж байсан билээ.    

x