"Эрдэнэт үйлдвэрийн хувьцааг худалдаж авахад 72.4 хувь нь төрөөс, ХХБ-наас 27.6 хувь нь бүрдсэн"

Гэрэл зургийг mpa.mn

УИХ-ын гишүүн Ж.Батзандан, Л.Болд, Т.Аюурсайхан, Х.Нямбаатар, Л.Оюун-Эрдэнэ нар "Баялагтаа эзэн Монгол" сэдвээр Төрийн ордонд мэдээлэл хийж байна. 

ШУУД ҮЗЭХ:

ЗГХЭГ-ын дарга Л.Оюун-Эрдэнэ "Санхүүгийн схем хэрхэн боссон талаар тайлбарлая. Эрдэнэт үйлдвэрийн хувийг худалдаж авсан хөрөнгийг дөрвөн эх үүсвэрээс босгосон. 

Эрдэнэт үйлдвэрийн хувьцааг худалдаж авахад нийт хөрөнгийн 72.4 хувь нь төрөөс, Худалдаа хөгжлийн банкнаас 27.6 хувь нь бүрдсэн. 

Шүүх дээр Монголын зэс ХХК, Худалдаа хөгжлийн банк хоёр хоорондоо хамааралгүй гэсэн маргаан яваад байгаа. Эрдэнэбилэгийн байгуулалцсан компани гэдэг нь 32 дугаар тогтоол дээр байгаа. 

 

Сангийн яам, Хөгжлийн банк, Эрдэнэт үйлдвэр, Монголбанканд мөнгө байсаар байтал худалдан авах эрхээсээ татгалзаж, бусдад давуу эрх олгосон. 

Энэ схемийг нотлох гэж цагдаад хандахад нотлох баримтуудыг өгөхгүйгээр Нийслэлийн прокурор хоёр жил дарагдуулсан. 
Монголын төр нэг компанид давуу эрх олгосон уу гэдгийг тогтоосны дараа хэлэлцээрийн ширээнд сууна" гэлээ.  

Гэрэл зургийг mpa.mn

ЗГХЭГ-ын дарга Л.Оюун-Эрдэнэ, УИХ-ын гишүүн Л.Болд, Ж.Батзандан, Т.Аюурсайхан, Х.Нямбаатар нар ээлжит бус чуулган хуралдуулах шаардлагыг Ерөнхийлөгч, УИХ-ын дарга, Ерөнхий сайд нарт хүргүүлсэн билээ.

Энэхүү шаардлагын хариу авах хугацаа өнгөрсөн Баасан гарагт дууссан байна. Тиймээс дараагийн алхамынхаа талаар иргэний нийгмийн байгууллага, ТББ-ынхантай зөвлөлдөхөөр уг хэвлэлийн бага хурлын дараа уулзалт хийх гэж буйгаа мэдэгдлээ. 

Нууцын зэрэглэлээс гаргасан Засгийн газрын хуралдааны тэмдэглэл