2018/06/20
Америк доллар
МОНГОЛ БАНК:
2,426.54₮
B30
УЛААНБААТАР
29°
|
13°
B28
УЛААНБААТАР
23°
|
16°
B30
УЛААНБААТАР
27°
|
14°
13:00
S28
28°
14:00
S44
29°
15:00
S44
29°
16:00
S44
30°
17:00
S44
30°
18:00
S28
29°
19:00
S28
28°
20:00
S28
26°
21:00
S26
24°
22:00
S28
22°
23:00
S28
20°
00:00
S28
20°

Гэр бүлээрээ тухлахад тохиромжтой НАЙМАН АМРАЛТЫН ГАЗАР

Г.Өлзийхутаг, iKon.mn
2018 оны 6 сарын 15
iKon.MN

Байгаль дэлхий өнгө өнгөөр алаглан гэрэлтэж, хүн бүхний баясан хүлээдэг зун цаг иржээ. Зуны дэлгэр сайхан өдрүүдэд бүгд л амарч, бүтэн жилийн ядаргаагаа тайлахын зэрэгцээ их хотын чимээ шуугианаас салж цэвэр агаарт гэр бүл, хайртай дотны хүмүүстэйгээ өнгөрүүлэхийг зорьдог билээ. 

Тэгвэл хайртай хүмүүстэйгээ амарч сувилуулахад тохиромжтой газар хаана байдаг талаар судалж амжаагүй бол энэ мэдээлэл танд хэрэг болох нь гарцаагүй.

Та бүхэнд гэр бүл, үр хүүхдүүдтэйгээ амрахад тохиромжтой амралтын газруудын дэлгэрэнгүй мэдээллийг сорчлон хүргэж байна.

1. “ХУСХАН” эх хүүхэд, гэр бүлийн амралт

 

ХУСХАН эх хүүхэд, гэр бүлийн амралт нь Дархан хот явах зам дагуу 52-н даваа, Өргөн булгийн аманд байрладаг. Улаанбаатар хотоос 53 км-н зайтай.

Эргэн тойрноо хус, нарсан ойгоор хүрээлэгдсэн үзэсгэлэнт байгаль, нам гүм орчин, цэвэр агаарт ээж хүүхэд, гэр бүлүүдэд зориулж ажилладгаараа онцлогтой.

 Эцэг, эхэд зориулж өдрийн үндсэн 3 хоолтой ба хоолны хооронд зундаа сүү тараг, үзэмний шүүсээр үйлчилдэг. Мөн амрах хоногоос үл хамааран өдөр бүр алжаал ядаргаа тайлах хэсэгчилсэн болон бүтэн биеийн массаж хийдэг. Ээжийг саун, массажинд орох болон хоол идэх үед хүүхдийг авч өгөн, агаарлуулж ээжийг амраах, хүүхэд харах үйлчилгээ үзүүлдэг аж.  Харин хүүхдүүдэд зориулж 0-3 насны хүүхдийг өдөр бүр хар цай, ясны шөл, чийрэгжүүлэх үйлчилгээтэй шар сүү, айраг, сүүн массажтай бөгөөд  хүүхдэд зориулсан ор, манеж, саатуулагч бүүвэйлэгч, хүүхдийн хоолны зориулалтын ширээ, хүүхэд хөлд оруулагч, тохилог тоглоомын өрөөтэй юм байна.

Үнэ : Өрөө үйлчилгээнээс хамаараад том хүн: 58,000₮ – 110,000₮
Хүүхэд: 0-5 сар (нярай) үнэ төлбөргvй, бусад 15,000 ₮ -45,000 ₮
Холбогдох утас: 80109090

2. “Оршил ресорт” амралтын газар

 

“Оршил ресорт” амралтын газар нь Улаанбаатар хотоос 30км орчим зайд Гачуурт , Шар хоолойн аманд байрладаг. 

Хэнтийн нурууны салбар уулсын хэсэг болох 2,200 метрийн өндөртэй Хүүш хайрхны бэлд ойн төгөл, горхи, уул гээд байгалийн үзэсгэлэнт хэв шинжийг цогцлоосон тухлахад хамгийн тухлаг, нам гүм таатай орчны нэг юм.

Дотроо халуун, хүйтэн устай зочид буудлын өрөөнүүдээс болон шалны халаалттай модон байшин, гэр амралтаас сонголтоо хийж амрах боломжтойгоос гадна ресторан, гадна арга хэмжээ зохион байгуулах боломжтой задгай тайз, сагс болон волейболын талбай, ширээний теннис, дартс, хүүхдийн тоглоомын талбай, явган болон морин аялал зэрэг амралтыг илүү таатай болгох үйлчилгээг үзүүлдгээрээ онцлогтой.

Үнэ: 89,000₮- 170,000 ₮
Холбогдох утас: 86063266, 86073266

3. “Нархан” амралт

 

Нархан амралтын газар нь “Чингис хааны морьт хөшөөт цогцолбор”-оос хойш 4 км зайд, "Хаан жимс" амралтын газрын зэргэлдээ, Туул голын хөвөөнд  байрладаг. Улаанбаатар хотоос 54 км зайтай. 

Дотроо боловсон 00, шүршүүртэй орчин үеийн тохилог тохижилттойгоос гадна мэргэжлийн тогоочийн бэлтгэсэн амтат хоолыг зооглох боломжтой. Мөн таны алдрай бяцхан үрсэд тань зориулсан тоглоомын талбайтай бөгөөд оройн хоолны дараа хүүхэд бүрийг сүү таргаар дайлдаг. 

Үнэ : Нэг хүн 150,000 ₮ 
0-2 настай хүүхэд үнэ төлбөргүй.
2-12 насны хүүхэд 35,000 ₮
Утас: 99059421,99019421

4. “Baby sky” амралтын газар

 

Baby sky амралтын газар нь Төв аймгийн Баянчандмань сумын нутаг дэвсгэр байрлалтай бөгөөд шинэ 22-ын товчооноос 24 км зайтай байрладаг бөгөөд харуул хамгаалалттай, тав тухтай орчныг бүрдүүлсэн гэр бүлийн амралтын газар юм.

Тохилог орчин, Гэр бүл хүүхдэд зориулсан сонирхолтой хөтөлбөрүүд, Гэр бүлийн кино театр, Гоо сайхны үйлчилгээ, LPG тураах аппарат, Хүүхдийн номын сан, чөлөөт цагаа зөв боловсон өнгөрөөх билльярдын өрөө, хүүхэд салхилуулах тоглуулах тоглоомын талбай, сагс, гарбөмбөг, хөлбөмбөгийн засаж тохижуулсан талбайтай гэдгээрээ онцлогтой.

Байгалийн цэнгэг сайхан агаараар амьсгалан, ой модоор алхаж алжаал ядаргаа тайлах байгалийн сайхан зэрэг бүрдсэн болно.

Мөн өглөө, өдрийн цай 1, 2-р хоол, халуун жимсний ундаа, оройн хоол, бүтэн биеийн массаж, алжаал тайлах үйлчилгээ, хүүхдийн массаж арчилгаа болон салхилуулах асаргаа зэргээр үйлчилдэг байна.

Үнэ : Өрөө үйлчилгээнээс хамаараад нэг хүн 25,000- 185,000 ₮
Холбогдох утас: 80405252

5. “HERO” амралтын газар

 

“HERO” гэр бүлийн амралтын газар Улаанбаатар хотоос холгүй Төв аймаг явах замд 35.5 км-т оршдог. Гэр бүлийн өрөө, ресторан, гадаа тоглоомын талбай, дотор тоглоом, сагсан бөмбөгийн талбай, мини хөлбөмбөгийн талбай, элсэн талбайтай. 

Мөн тус амралтын газар нь архи, тамхиар үйлчилдэггүй гэдгээрээ онцлогтой.

Үнэ:  Өглөөний цайны үнэ ороод 1 ортой өрөө 80,000 ₮, 2 ортой өрөө 96,000 ₮ аж.
Холбогдох утас: 99156695, 93156695

6. “ГОРХИ” гэр бүлийн эко ресорт амралт

 

Алдрай бяцхан хүүхдүүдийнхээ тусгай арга хэмжээг эрүүл агаарт, эрүүл хоолтой, тав тухтай орчинд зохион байгуулахыг хүсэж буй бол дараах багцуудыг Танд санал болгож байна.

“ГОРХИ” гэр бүлийн эко ресорт амралт хотын төвөөс 48 км, Тэрэлжийн гүүрээс зам дагуу 2 км зайд Туул голын хөвөөнд байрладаг.

Таны гэр бүлийн амралтанд зориулж ресторан, лоунж, дэлгүүр болон өөртөө үйлчлэх хорхог, шорлогын цэгүүд зэрэг олон төрлийн үйлчилгээг бид санал болгодгоороо давуу талтай.
Мөн архигүй орчинг эрхэмлэдэг гэр бүлийн ресорт амралт бөгөөд оройн 23 цагт унтах дүрэмтэй байдаг аж.

Үнэ:  Гэр бүлийн /2 том ор, хүүхдийн 2 ортой/ гэр 150,000 ₮
Хосуудад зориулсан гэр 140,000 ₮
 2-4 хүний гэр 120,000 ₮
3-6 хүний гэр 180,000 ₮
4-8 хүний гэр 200,000 ₮

Мөн Баасан гарагаас бусад ажлын өдрүүдэд амралтын эко гэр 20%-иар хямдардаг аж.
Холбогдох утас: 96629606

7. “Монголын Нууц Товчоо” амралтын газар

 

Монголын Нууц Товчоо амралтын газар, аялал жуулчлалын цогцолбор нь Төв аймгийн Жаргалант сум, Улаанбаатар хотоос Дархан орох зам дагуу 114 км зайд байрладаг.

 Тус цогцолбор байрлах газрыг “Ноён уул” гэнэ. Далайн түвшнээс дээш 1,500 орчим метрт өргөгдөн байрладаг. Энэ ууланд буга, согоо, зэрлэг гахай, шилүүс, нохой зээхь, туулай, үнэг, дорго, мануул, чоно, тарвага, олон зүйлийн шувууд, ан амьтад байхаас гадна цээнийн ягаан, яргуй, цагаан уул, багваахай, жамьянмядаг зэрэг олон төрлийн цэцэг, эмчилгээний зориулалттай нохойн хошуу, сөд, таван салаа, егүшин, мөөг зэрэг ургамлууд ургадаг аж.

Мөн зочид буудал, 13-р зууны үеийн гэр, саун, душ, массажны үйлчилгээ, караоке, хурлын заал, Снукер билльярд, ширээний теннис, спорт болон хүүхдийн задгай тоглоомын талбай, ресторантай бөгөөд  Монголын Нууц Товчооны түүхэн бүтээлтэй холбогдолтой ном судар, соёлын дурсгалтай танилцаж  морь, тэмээ унах, малчин айлд зочлох, нум сум харвах, үндэсний хувцастай зураг авхуулах боломж олгодгоороо онцлогтой.

Үнэ: Гэрүүд: 49,000₮  - 166,000₮
Буудлын өрөөнүүд: 88,000₮ - 275,000 ₮
Нэмэлт ор: 33,000 ₮
Хүүхэд: 0-5 нас үнэгүй, 6-11 насанд хүүхэд  22,000 ₮
Холбогдох утас: 7000-0450, 99096841, 99906841

8. Бумбат ресорт амралтын газар

 

Бумбат ресорт амралтын газар нь Улаанбаатар хотын төв цэгээс 25 километрт Налайхын чиглэлийн замд  Богдхан уулын Бумбатын аманд оршдог.

Чадварлаг тогоочийн хийсэн монгол, европ амтат зоогоор болон билльярд, караоке, саун, машины дулаан гарааж зэргээр үйлчилж,  сагс, гар бөмбөг, теннис, шатар, нум сумаар наадан, мориор, дугуйгаар, явганаар гэр бүлтэйгээ Богдхан Ууланд аялах боломжийг олгодгоороо онцлогтой.

Зочид буудал нь цэвэр байгалийн чулуугаар баригдсан ба бүх өрөө нь  байгаль орчин, хүнд ээлтэй, орчин үеийн цэвэр модон тавилгатай. Мөн мини баар, шүршүүртэй ариун цэврийн өрөөтэй бөгөөд гаднаа хүүхдэд зориулсан тоглоомын талбайтай.   

Үнэ: 4 ортой гэр-120,000₮
Өрөө-120,000₮ -190,000₮
Холбогдох утас: 98285252; 98160975

 

x